السياحة فى فيينا امستردام برشلونة

  • admin 

السياحة فى فيينا امستردام برشلونة

 

برنامج سياحى فى ثلاث عواصم هامة فى اوربا هما السياحة في فيينا و امستردام و برشلونة بكافة التفاصيل والتكاليف من انتقالات داخلية وطيران واقامة ورسوم فيزا الشنغن حتى مصاريفك الشخصية

 

نفسك تسمع مزيكا في اوبرا فيينا بعدها تروح تتمشي علي Charley’s Bridge في براج ، بعدها تروح امستردام تشوف How liberal can the world be وتاخدلك جوبين، بعدها تطلعلك علي برشلونة تشوف Sagrada Familia اعظم بناء ديني في العصر الحديث. لو نفسك في كل دا يبقي المقال دا ليك، هقولك بالظبط محتاج كام عشان تعمل كدا يبقي لازم تشوف المقال ده السياحة فى فيينا وامستردام وبرشلونة 

 

اولاً  فيزا الشنغن  

سعر فيزا شنغن 2018

سعر فيزا الشنغن اوروبا ب 60 يورو من اي سفارة اوروبية في مصر ، اسهل اجرائات هي سفارة فرنسا يليها المانيا لكن مفيش مقاييس لقبولك عادي ممكن تترفض في فرنسا وتتقبل في المجر لذلك ان فيزا الشنغن ليس لها مقياس محدد .

 

ثانياً  الطيران الى اليونان :

ارخص طيران لاوروبا من مصر

ارخص طيران من مصر الى لاوروبا هو طيران اليونان الطيارة رايح جاي ممكن تتراوح من 3500 جنية لحد 8000 جنية علي حد اقصي وبتديك شنطة 23 كيلو وشنطة ضهر ودا كويس يعني اوي.

اللي محدش هيقولك عليه بقي ) ان في طيران بيطلع من مطارات الغردقة وشرم الشيخ لمعظم دول اوروبا بتكلفة النص تقريباً ، علي سبيل المثال سافرت من الغردقة لبروكسل في بلجيكا من اسبوعين ب 1200 جنية )

 

ثالثاً المواصلات :

مبدئياً كدا محتاج تعمل reset لكل تخيلك عن اسعار المواصلات لان في اوروبا الدنيا مختلفة ، عادي تلاقي طيارة ارخص كتير من الاتوبيس او القطر ، علي سبيل المثال، سافرت من رومانيا لالمانيا ب 3 يورو في حين ان الاتوبيس بين البلدين ممكن يكلفني حوالي 80 يورو.

في شركات طيران داخلي زي RyanAir , EasyJet بيقدموا رحلات داخل اوروبا باسعار قليلة ، في كمان FlixBusبيروح بين معظم المدن في اوروبا باسعار معقولة لحد كبير ارخص بكتير من القطر.

علي سبيل المثال عشان تسافر من امستردام لبروكسل هتدفع حوالي 10 يورو لو اتوبيس من اللي فوق ، ومن بروكسل لباريس ممكن تدفع 10 يورو زييهم لكن لو قطر هتضرب الرقم دا في 5 او 6

 

رابعاً الطعام :

تقريبا ارخص حاجة في اوروبا هي الاكل يمكن بقي ارخص من مصر، طبعا في دول رخيصة ودول غالية، مثلا كنت في بولندا وجبت عصير فريش و بيتزا وحلويات دفعت ما يعادل يورو ونص ، نفس علبة العصير جبتها في المانيا ب٢ يورو ونص لوحدها 😀 بس في المجمل ممكن من 10 ل 15 يورو يكفوك جدا اكل في اليوم ، لو انت مسافر علي بادجت قليلة ممكن تطبخ في الهوستل الموضوع هيتكلف معاك 3 يورو لحد 5 يورو .

 

خامساً  التنزه والفسح في برشلونة وامستردام وبرشلونة :

  في دول مجرد المشي فيها فسحة لوحده زي برشلونة وامستردام و براغ بس لو عاوز تدخل متاحف وكدا هتتبسط برضه بس لازم تاخد بالك من المتاحف الغالية واللي مفيهاش حاجة.

 

سادساً السكن في برشلونة وامستردام وبرشلونة :

في ناس بتسكن في اوتيل وناس بتبات في الشارع خلينا نتكلم علي اللي في النص الهوسلتز بتتراوح اسعارها من 4 يورو في دول زي المجر وتوصل ل 25 يورو في باريس بس لسه ممكن تقعد ببلاش لو بعت علي CouchSurfing.com.

كدا تقريبا دي كل حاجة، بمراجعة بسيطة هنحسب انك عشان تقعد لمدة 10ايام في 4 دول مثلا ( باريس – بروكسل – امستردام -برشلونة ) هنقول حوالي 6000 تيكت طيران من مصر و مواصلات 2000 جنية بحد اقصي و 1200 جنية تاشيرة و 3000 جنية اكل و 3000 جنية سكن يبقي تقريباً هتكلفك من 14000 لحد 18000 جنية وممكن تقل عن كدا كمان لو انت مستعد تستغني عن حاجات مثل كثيرا من المسافرين ما يفعلون هو عامل التوفير لانك توفر كثير تسافر اكثر

 

أقرأ ايضا مقالات قد تهمك 

افضل برنامج سياحي لاوروبا 2018 النمسا و اوكرانيا و المجر 

السياحة في لندن وويلز واسكتلندا 2018 

السياحة والاقامة فى ايطاليا بالتفصيل

رحلتي الى براغ التشيك

جزيرة لنكاوي ماليزيا بالصور واهم الجزر بماليزيا   

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *