السياحة والاقامة فى ايطاليا بالتفصيل

السياحة والاقامة فى ايطاليا بالتفصيل 

 

السياحة والاقامة في ايطاليا بالتفصيل سنعرض تجربة لاحد المسافرين الى ايطاليا بكل تفاصيلها وتجارب الاخرين هامة للغاية حتى نقرر نخوض تجربة السياحة والاقامة في ايطاليا ونستعرض فى التجربة اهم المدن الايطالية والانتقالات الداخلية وعادات وتقاليد الشعب الايطالى واهم النصائح لك كمسافر قبل السفر الى ايطاليا واليكم التجربة :- 

 

مدن ايطاليا السياحية

ايطاليا كلها جميلة  وفي حتت فيها جنة الله على الأرض لازم تتراح ومتتفوتش منها وأساسي ال Cinque Terre موقعها في الساحل الغربي الشمالي لإيطاليا واهم مدن ايطاليا السياحية  او يقال عنها قرى خمس قرى صغيرين فوق بعض ترتيبهم الآتي من الجنوب للشمال:

 Riomaggiore
 Manarola
 Corniglia
 Vernazza
 Monterosso

كلهم تحفة في الجمال ومنظر الجبال الخضرا وهي بتعانق البحر المتوسط ووسطها البيوت والكنايس كأنه لوحة أتقنها فنان ماهر سبحان الله  الواحد قعد شوية لحد ما ابتدا يستوعب انه هنا فعلا وانه شايف بعينه هذا الجمال المذهل

 

 

انت كسائح او مقيم فى ايطاليا تروح إزاي؟

السياحة والاقامة في ايطاليا تتراح بثلاثة وسائل: بالأتوبيس او بالقطار او بالقطار وبعدين مركب.

انا رحتها بالقطار من فلورانس من محطة Firenze Santa Maria Novella

المسافة بالقطار السريع الFrecciabianca تبع القطار الحكومي Trenitalia

حوالي ساعتين ونص 

 

المسافه بين مدن ايطاليا بالقطار

خلوا بالكم ان فيه نوعين قطارات : الخاص والragionale هنوضح ايه هما والمسافه بين مدن ايطاليا بالقطار

– الragionale بطئ شوية وبيقف في محطات كتير لكن الfrecciabianca او ال frecciarossa سراع ومريحين جدا وسعرهم معقول مش غالي

– بتركب من S.M.N. (إختصار لاسم المحطة الاساسية في فلورانس) بتوصل محطة اسمها La Spezia Centrale ومنها بتروح مكتب اسمه Cinque Terre Point  تشتري تذكرة تركب بيها قطار بيتنقل بيك ما بين المناطق الخمسة دول رايح جاي زي ما انت عاوز طول اليوم

– اللي هيبعلك التذكرة هيديلك معاها خريطة وجدول القطار ده بمواعيده – ملحوظة هامة جدا جدا: اول ما تشتري تذكرة القطار ده لازم تدخل التذكرة في مكنة مخصوص تعملها validation يعني تختملك ختم صغير باليوم والساعة..ليه تعمل ده؟ علشان فيه مفتشين بيفتشوا على التذاكر ولو لقوا التذكرة مش مختومة هتدفع غرامة كبيرة جدا!

– هتبتدي تتحرك من الSpezia Centrale وتنزل في كل بلد شوية تتفرج وترجع تركب قطارك وتروح اللي بعدها او ممكن تبتدي من فوق خالص يعني تروح Monterosso وبعدين تاخدهم لحد Riomaggiore وبعدين تركب من La Spezia وتروح فورانس 

– فيه سير مشي اسمه Via Dell’amore شارع الحب او طريق الحب وده ممكن تاخده بدل القطار وتعمل هايكنج من Riomaggiore لحد Manarola مشي…ودي حاجة طبعا عاوزة صحة لأن المشي للركب لكن قطعا قطعا اللي عنده استعداد يعملها لأنها تجربة تستحق كل عناء

تعمل هناك ايه ؟

– تتمشي وتاكل اكلهم المحلي..مشهورين هناك بالانشوجة وفيه طبق كدة أكلته في Vernazza يهبل! عبارة عن مجموعة سي فوود مقلية (كاليماري واخطوط نونو وجمبري ومحار) وجنبهم بطاطس ب 5 يورو .. طعمهم يجنن وطازة بشكل!

– اشتري تذكار من هناك صابونة على شكل لمونة صغيرة ( هما هناك مشهورين قوي برضه باللمون )

 

ملحوظات جانبية هامة للسائح او المقيم فى ايطاليا :

– ابتدي اليوم من بدري يعني تركب من فلورانس الساعة ٧ مثلا علشان تلحق يومك

– متحجزش راجع..احجز رايح بس علشان تبقى براحتك واعصابك مش مشدودة ولما توصل La Spezia Centrale احجز تذكرة الرجوع

– البس ملابس قطن خفيفة لأن الحو ساحلي ورطوبة وشمس جامدة والبس كاب وخد معاك مياة كتير وطبعا الجزمة الرياضية علشان الطلوع والنزول

بجد يا جماعة سيبوكو من المدن وخصصوا يوم للرحلة دي بجد هتنبسطوا قوي قوي إن شاء الله  اتمنى اكون وضحت كامل التفاصيل كى تفيدك كمسافر جديد لايطاليا

 

أقرأ ايضا مقالات قد تهمك نرشها لك

السياحة فى تايلاند بانكوك 

السياحة في لندن وويلز واسكتلندا 2018 

رحلتي الى براغ التشيك 

فيزا شنغن مضمونة بسهولة 

اسهل دولة اوروبية يمكن الحصول على جنسيتها 

 

2 فكرتين بشأن “السياحة والاقامة فى ايطاليا بالتفصيل”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *