السياحة فى تايلاند بانكوك

السياحة فى تايلاند بانكوك

السياحة فى تايلاند بانكوك من البلاد الجميلة اللى لازم اى حد غاوى سفر يعدى عليها بصراحة لان في تايلاند مش هتلاحق تعمل اية و لا اية لما تروح هناك فى تايلاند بانكوك و بعض الاماكن التى لابد من زيارتها Ancient Siam  اللى مش كتير ناس بتعرفها هو عبارة عن مينى بارك فيها كل معالم تايلاند بانكوك المشهورة باحجام تصل فى بعض الاحيان الى حجم المعلم الاصلى هو غالى شوية حوالى  700 بات بس يستاهل ولازم تروح من بدرى علشان هياخد منك اليوم كله والا مش هتلحق تشوف كل حاجة زى ما حصل معايا كدة

 

دريم ورلد – بانكوك

Floating Market 

طبعا من اشهر المعالم فى بانكوك و دة عبارة عن سوق فى المياة و كل البائعيين معاهم مركب صغيرة بيعرضوا عليها بضاعتهم من اكل و تحف و منتجات يدوية

Snake farm 

بيقدم عروض ممتعة مع الثعابين بمختلف انواعها و بيخليك باتصال مباشر معاها لو قلبك جامد و عايز تجرب

Chao Phraya River 

تاخد مركب من اى مرسى هناك و يلف بيك فى النهر بتبقى جولة ممتعة بتشوف فيها الكتير من معالم المدينة و كمان جرب ارمى شوية عيش فى المياة هتلاقى بركان من السمك بس اكيد فى بعض اماكن النهر

 

السياحة فى تايلاند 

تايلاند فيها اماكن كتير جدا تتراح و انشطة كتير اوي تتعمل ، فمثلا من حيث الاماكن :-

1- Chiang ma

( مدينة جميلة في الشمال و هادية و جوها حلو و هناك تقدر تعمل :

. Ziplinning, Elephant showering, bamboo rafting

. Visit the Grand Canyon

.Saturday Night market

. Visit Doi Suthep Temple

 

mbk هو أشهر مول بانكوك

 

2- Chiang rai 

مدينة جمب Chiang rai و هناك تقدر تزور الWhite Temple و تطلع جبل كده و تشوف الشروق

 

3- Islands ( Phi phi – Phuket – Krabi – koh phanagan – Koh samui – koh tao )

و دول محتاجين مش اقل من اسبوع و كل واحدة ليها مميزاتها و الانشطة الكتيرة اللي تتعمل هناك

 

4- Ayutthaya city 

و ديه مدينة كلها حاجات اثرية و تتزار يوم واحد عن طريق مواصلة من بانكوك Bangkok

 

5- Era wan water falls

ديه شلالات في مدينة اسمها Kanchanburi ، الشلال ده مكون من 7 مستويات … روحوا و مش هتندم و ممكن تبات ليلة او ترجع في نفس اليوم

 Bangkok بانكوك

( بانكوك مدينة كبيرة و من وجهة نظري فهيا مليانة حاجات كتير تتعمل ، من اول المعابد و الMalls للShopping و المطاعم المتنوعة و الNight life )كل ده مدن حلوة و كل مدينة جواها اماكن كتير و انشطة كتير تتعمل بس كله علي حسب وقتك انت قد ايه و الbudget طبعا ، قرر دول الاول و ساعتها تقدر تحدد تروح فين و تعمل ايه .

 

بالنسبة للطعام 

ف انا شايف من وجهة نظري ان جزء كبير من استمتاعك بأي سفرية .. هوا اندماجك في الCulture بتاعت البلد اللي انت رايحها ، يعني لازم تجرب الاكل اللي عندهم كله و انا متأكد انك هتحبوا و الاكلات المفضلة بالنسبالي هناك هيا :

Papaya salad

Pad Thai

Massa man Curry

Thai tea

Seafood & Sushi

tropical Fruits

 

المركز الإسلامي -بانكوك

 

نصائح للمسافر الى تايلاند بانكوك :

احجز اوتيل يكون قريب من Sukhumvit عشان المولات والمواصلات.

ماتفوتوش عرض اسمه Siam Niramit ده شو مصنف عالمياً وهتنبسطوا فيه جداً.

عندك متحف الشمع Madame Tussauds في مول رائع اسمه Siam Paragone .

 

الطعام فى تايلاند بانكوك

متوفر بكل الأشكال والألوان وطبعاً حلال ، ورخيص جدا مقارنة ببوكيت يعني مطعم شعبي ممكن تاكل للفرد الواحد 40 بات فقط ، وتبقى مشكلة المطاعم العربية إنها بردو غالية بس انت مش محتاجهم لإن في بدائل كثير .

المواصلات فى تايلاند

كل المواصلات متوفرة ، المترو ، التاكسي بعداد ، برامج اوبر وجراب بس الأفضل تستخدم التاكسي العادي وتأكد عليه يفتح العداد .

في النهاية بانكوك جميلة جداً ومناسبة للأشخاص اللي بيحبو يتعرفوا على ثقافة الشعوب ويختلطوا بيهم ومناسبة كمان لو ميزانيتك مش كبيرة وبتفضل الأنشطة اللي أنا ذكرتها فوق فبانكوك هي الأنسب ليك ولأسرتك

معلومة لو عايز تخرج بره تايلاند وترجع تاني ممكن بتدفع 1000 بات وبتاخد خروج وعودة تروح ماليزيا أو اي مكان وبعدين ترجع تاني في خلال فترة الشهرين اللي بتاخدهم في المطار

 

1 أفكار بشأن “السياحة فى تايلاند بانكوك”

  1. بينج باك (Pingback): السياحة في اليونان بالصور - تجوال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *