Booking.com

تامين صحي للولادة في امريكا us insurance

تامين صحي للولادة في امريكا us insurance
ميديكيد us insurance

تامين صحي للولادة في امريكا us insurance

تامين صحي للولادة في امريكا us insurance بعض الولايات الامريكية التى تقدم تامين صحى us insurance

وايضا ظروف السكن فى هذه الولايات واسعار السكن والاقامة و توفير العمل ايضا فى امريكا

 

ولاية ڤيرجينيا الامريكية

ولاية ڤيرجينيا الامريكية دي بلد السكن فيها نوعا ما غالي شوية الشغل الساعة ١١ دولار دا سعر تقريبي والشغل العادي بالنسبة للمهاجر الجديد فى امريكا ب ولاية فيرجينيا لازم يفضّل يقدم اون لاين ويروح للمكان ال قدم فيه علي الشغل ويقولهم انا قدمت اون لاين ويروح يقابل المدير التعليم فيها طبعا مدارس هاي سكول وابتدائي واعدادي الأسعار الغذاء مش واحدة ممكن تروح مول تلاقي فيه نفس الحاجة ال في التاني بسعر أرخص منه النصف مثلا علي حسب دور قارن وهتلاقي السعر ال يناسبك

التأمين الصحي فى امريكا عموما دا موال وخاصة بعد صدور قرار إلغاء اوباما كير

ريتشموند ولاية فيرجينيا

ريتشموند ولاية فيرجينيا هادئة وامان جدا الجو معتدل يعنى مش تلج ومش حر نار المدارس مستواها حلو الايجار من 700 وطالع يعنى ممكن 950 وممكن 1200 تفاوت واجر الساعة ب ريتشموند من 8 دولار وطالع يعنى فى 10 وفى 13 دولار وهكذاعيبها الوحيد مملة وهاديه اوى اوى يعنى مفيهاش خروج ولا محلات فاتحه بعد 9 فى ملاهى اولدمونيوم وفى حديقه حيوان على بعد 40 دقيقة فيها كوميونتى جى سارجن وجون تيلور مستواهم كويس الاكل كله متوفر والاسعار كويسة بالنسبه للأجور

 

الكومينتي فينانشيال أيد

مساعدات علي حسب الضرائب بتاعتك اللى بتقدمها لما بتقدم بتمتحن تحديد مستوي ناس بتقول بفلوس وناس بتقول انه مجاني فمعرفش النقطة دي بالظبط المدينة المناسبة للمهاجر الجديد من حيث وجود نسبة عرب ومصريين في رتشموند الايجار من ٨٠٠ و ٩٠٠ لمكان متواضع فيما فوق

ولاية فيرجينيا عموما

ملحوظة مهمة المديكيد التامين الصحى فى امريكا هنا للاطفال والحوامل حسب الدخل الكبار لازم يكون دخلك صفراو بعد الشر ديزابلتي فيرجينيا للاسف من الولايات اللي ما وافقتش علي مد شريحة المديكيد هي و19 ولاية اخري بس الناس بتعمل اوباما كير وبيعطي مساعدات في الدفع الشهري ؛؛ او الكونيونتي كلينك بس شروطهم غلسة برضه

 

ريتشموند فيرجينيا

ريتشموند هاديه وأمان والمدارس مستواها جميل جدا الكومينتى بتعمل اختبار esl ببلاش بس الدراسة لل esl بفلوس اول سنه لغاية ما بيتقبل الفايننشال وتكون بقالك سنه فى الولاية الإيجارات من 900 فما فوق والسكن نضيف والأجور من 7دولار فما فوق حسب الشغل المتاح

فيها شغل مثلا في وول مارت تجمع المصريين هناك وهناك مدن اخري في هذه الولاية الي حد ما السكن غالي فيها والمواصلات موجودة بس يفضّل ان يكون معاك سيارة جوها حلو وجميل فيها جامعات زي كومنويلث وفيرجينيا تك وجورج مايسون وغيرها من الجامعات نصيحة لل عاوز ينجز لازم تشتغل علي نفسك قبل ما تيجي في الانجلش وهات ورقك شهاداتك مترجمة موثقة زي ما تحب علشان هتحتاجهم اول شهرين هتحس انك مضايق طبيعي سبت موطنك ولكن الله بيسهلها بعدين والشعور دا يبدأ يتلاشي يتلاشي لحد اما يختفي ودا بفضل اختلاطك في قلب المجتمع وسعيك
والنَّاس ظريفة وودودة يعني بس اولا وأخيرا متعتمدش علي غير الله في اي شيء اذا سالت فأسأله اطلع شوف ابحث بنفسك في البلد دي اصلا هنا كلنا غرباء يعني لو عوزت شغل عوزت تعرف حاجة معينة اطلع وشوف وهتلاقي ال بتدور عليه وأحسن

 

فيرجينيا الجميلة northen Virginia

انا حاتكلم عن nor then Virginia اللي جنب واشنطن واللي فيها مطار Washington Dulles Airport يعني اي حد جاي واشنطن لازم ينزل نورثن فيرجينيا الاول فاعتقد ان سبب الايجارات المرتفعة هنا هو قربها من واشنطن وفي نفس الوقت ميزة الشغل هناك او في فيرجينيا نفسها متوفر بيبدأ من 10 دولار بالساعة والمدارس في العموم كويسة لكن في مناطق اللي مليانة Hispanic مش كويسة اوي ( وللاسف ان دي ايجارتها ارخص) Nor then Virginia مليانة عرب كتير وبيعملوا في وظائف مرموقة بالحكومة الفدرالية وبالسفارات العربية وبالكاونتي وفي مهندسين و اطباء عرب كتير وكمان بها جالية باكستانية وافغانية كبيرة واغلبهم تجار اغنياء و في مدارس عربية كتير ومطاعم بس المواصلات مشكلة لازم سيارة والا تروح المشوار في ساعتين اغلب اللي بيشتغلوا في واشنطن بيستعملوا المترو يوميا علشان الباركنج في واشنطن صعب اما اشهر كوميونتي هنا فهي ( Nor then Virginia Community College ) او بنقول عليها NOVA

التقديم والامتحان مجانا فى فيرجينيا

ومش بتشترط اي شهادة طالما اكبر من 18 سنة وبتروح منها علي اي كلية انت عاوزها اقرب واشهر جامعة هي جورج ماسون ( بابليك) وماري ماونت ( برايفت) وجورج واشنطن ( في واشنطن نفسها) اما فيرجينيا تك اشهر جامعة في الهندسة تبعد عنا 4 ساعات وهي في منطقة بلاكسبرج ( منطقة هادية وريفية شوية وايجارتها رخيصة بس فرص العمل مش كتير) ملحوظة مهمة ريتشموند العاصمة تبعد عن نورثن فيرجينيا اكتر من ساعتين ( وبالتالي عن واشنطن) فلذلك الايجارات ارخص نوعا ما اما الاشغال والمدارس

نيويورك بروكلين

نصائح الى كل مهاجر جديد مش عارف اى حاجة فى اى حاجة يجى نيويورك بروكلين بالتحديد بروكلين سرعه اجراءات تخليص الورق من اول السوشيال الاى دى رخصة القياده الجرين كارد الامريكى على حسب العنوان اللى انت كاتبه في ناس فى نييورك بروكلين كويسين بيسعدو بعض بنسبة كبيره

التامين الصحي فى نيويورك بروكلين

ممتاز يشمل كل شئ فى انواع شركات كتير على حسب احتياجك سواء ست محتاجة شركة معينه واحد لابس نظارة شركة تانية واحد اسنانة بايظة شركة تالتة وعلى كل لون يا باتسيطا بالنسبة للسكن اولك ٤٠٠$ وانت طالع دا الاماكن الشير الشقق غرفة وصالة ١٨٠٠$ وانت طالع غرفة وصالة ١٥٠٠$ وانت طالع على حسب المكان والتشطيب والامكانيات والمبانى سواء جديده او قديمة بالنسبة للشغل وانت ماشى فى الشارع ممكن تشتغل نيويورك نسبة البطاله فيها تقريبا ٤ % زنقت خالص معاك فى مكاتب توظيف بتدفع ١٢٠$ وانت زى الباشا تانى يوم تروح تستلم شغلك فى النهاية منصحش اى حد انه يعيش فى نيويورك لانها محطه ستب وان ودى خطوة اولى مهمة جدا وهترتاح فى الاخر انك تلاقى الحضن الحنين اللي يريح كل الاطراف والسلام عليكم ورحمه الله وبركاته

راكفورد الينوي الولايات المتحدة

راكفورد الينوي الولايات المتحدة هى مدينة حدودية ساعة و ربع لشيكاغو و ساعه الا ربع ل ماديسون ولاية ويسكانسون جميع الخدمات موجودة جالية عربية محدودة المعظم فلسطين و العراق و ٤٠ اسرة سورية لاجئيين التأمين الصحي موجود فرص العمل مش بطالة متوسط الساعه ١٠ دولار الايجارات رخيصة ٨٠٠ تاون هاوس ٣ غرف و حمامين متوسط اسعار شراء المنزل ١٥٠ الف الامان موجود ما عدا منطقة الويست لكن الباقي فى الترفيه موجود للاطفال و قريبة من ويسكانسون ديلز حيث الووتر باركز و المناظر الساحرة .
المواصلات مش اوي هنا لازم عربية الشتا صعب تلج عالاغلب و درجة حرارة غبية الصيف لذيذ حر بس مش اوي

مدينة نيو جيرسي الامريكية

مدينة اسمها جيرسي سيتي في الحدود بين نيويورك السكن غالي في هذه المدينه لقربها الشديد من مانهتن قلب نيويورك ١٠ دقايق بالقطار في حدود ١٢٠٠ دولار غرفه و صاله لا يوجد تامين صحي لحاملي الجرين كارد قبل ٥ اعوام او الحصول علي الجنسيه و لكن يوجد تامين صحي و دعم مادي للاطفال فقط الموصلات متوفره داخل الولايه و الي نيويورك يوجد عرب كتير جدا و محلات حلال و بقاله عربيه الشغل متوفر في نيويورك

نيوچيرسي

المميزات فى مدينة نيوچيرسي

١- السكن رخيص نسبيآ (عن نيويورك)
٢- مناسبة للأسر اللي عندها اطفال
٣- مدارسها معقولة المستوي
٤- قريبة من نيويورك حيث وفرة العمل
٥- جميلة ومليئة بالحدائق بيسموا الولاية ‏the garden state
٦- فرص العمل المتوفرة لأصحاب الاقامة غالبآ في ال department store
٧- توافر محلات الجروسري العربي

العيوب في مدينة نيوچيرسي

١- التأمين الصحي للحصول عليه لازم تكون جنسية او حائز علي جرين كارد لمدة خمس سنين
٢- صعوبة المواصلات داخل الولاية بتحتاج عربية
٣- قله فرص العمل وخاصة لمن لا يحمل اوراق

اذا كنت تبحث عن ولادة في الولايات المتحدة او تبحث عن اجراءات قانونية وتعتقد انها معقدة بالنسبة لك فهي سهلة بالنسبة للمتخصصين القانونيين المعتمدين في امريكا لتحصل على الجنسية لطفلك ولاسرتك  افضل مكتب محاماه في الولايات المتحدة محامون عرب امريكان يتحدثون العربية وايضا محامون من اصل امريكي معتمدون يمكنك الاطلاع عليهم من هنا

افضل محامي هجرة في امريكا، محامون عرب في الولايات المتحدة

ولاية اريزونا الامريكية

ولاية اريزونا الامريكية اريزونا توسن احسن شيء ب اريزونا توسن فيها الامن والامان وجوها في الشتا معتدل لكن حار صيفا والاشغال فيها الساعه بعشرة دولار والهاووس ببلا ك من 700 دولا ر غرفتين وصالة ولو تلاتة غرف 800 او 850 دولار وطبعا علك الغز والكهربا لكم الما في بعض المناطق فري

الفود سامب الدي اس هو اللي بيحدد تستاهل او متستهلش يعني لو جيت ولك اخ اواخت بيساعدوك بتاتا بيرفض ولو ملكش حد بيد فع لك حتي الايجار اول شهرين وده علي حسب تجربتي مع اسرتين دخلوا لوتري وعملوا لهم انترفيو وكان في استقبالهم عم الاولاد رفضوا يساعدوهم في اي شي والاسره التانيه معهمش اي طفل بس زوج وزوجته اخدوا فود ستامب وساعدوهم في ايجار البيت واستلم بيت حكومه

 

ولاية تكساس للمهاجرين

ولاية تكساس للمهاجرين من الولايات المحافظة جدا تحس ان الناس فيها لسه متمسكين بالعدات والتقاليد والتربيه الصحيحه عشان كده مناسبة اكتر للاسر والعائلات والمدارس مستواها كويس وأغلبها مناطق زراعية فلاحين يعني عشان كده الأسعار فيها معقوله بس غلاستها انها ممله ومافيهاش خروجات كتير ده غير انها حر جدا في الصيف واسمع ان الناس فيها متعصبين بس انا بصراحه مشفتش ده بعيني أو بمعني أصح محصلش معايا وبالنسبه للايجارات بالمقارنه بولايات كتير رخيصه يعني ممكن تأجر هاوس كبير ب ١٣٠٠ مثلا واعرف ناس كتير نقلو من ولاياتهم وجم استقروا هنا واشترو بيوت كمان والساعة ب ٧ وربع وانت طالع

 

ولاية مينيسوتا الامريكية مدينة مينيابوليس

الولايات المتحدة الامريكية

حلوة و جميله اسعار ايجار متوسطه بتبدأ من 850 للإستوديو ف بعض المناطق الأمان هنا عالي و التعليم برضو ف مترو و باصات و نورث ستار حر ف الصيف و تلج ف الشتا لحد سالب عشرين

 

ولاية بنسلفانيا الامريكية

ولاية بنسلفانيا الامريكية الايجار هنا ليتراوح مابين 400$ ودا بيكون فى مكان نسبة الأمان فية بتكون اقل وفى إيجاد بيكون 700$ ودا بيكون أماكن هادية وفى 1000$ المعيشة هنا سهلة نظرا للاسعار البسيطة مقارنة بالولايات الاخرى طبعا المواصلات بنكون Busوطبعا بشكل مش بيكفي الحاجة فلازم تمتلك سيارة الحياة هادية هنا بس الاجور مش كبيرة يعنى فى اشغال ممكن تأخذ فيها 10$فى الساعة وممكن 15$فى الساعة ودى بتكون زى شغل ‏ kitchen Housekeepingوممكن شغل المصانع بيتراوح مابين 20$ فرص العمل متوفرة وال welfareهنا متوفر

 

فلادليفيا الولايات المتحدة

فلادليفيا الولايات المتحدة Philadelphia pa الايجار لشقه اوضه وصاله من 750 ل 850 ولو شقه اوضتين من 900 وساعات فى شقق بتوصل 1200 وبالنسبه للخدمات كويسه جدا فيها كل حاجه محلات عربى وجوامع كتير ومحلات جزاره حلال ذبح وبالنسبه للتامين الاطفال لحد 18سنه تبع الحكومه لو الدخل ضعيف وليهم بقيت المساعدات المعروفه انما الام او الاب جرين مالهمش اى مساعدات يعنى لا تامين ولا اى حاجه الا لو الام حملت ساعتها يبقى ليها تامين حمل فقط وبعد الولاده بست اسابيع بيتوقف وبالنسبه للمواصلات لو من غير عربيه هتتبهدل لان هتستعمل يااما ال bus او uber والاتنين هيبقوا مكلفين وبالنسبه للشغل فى بس اللى يدور

admin

تدوينات ذات صلة

6 تعليقات على “تامين صحي للولادة في امريكا us insurance

  1. Write more, thats all I have to say. Literally, it seems as though you relied on the video to make your
    point. You obviously know what youre talking about,
    why waste your intelligence on just posting videos to your blog when you could
    be giving us something enlightening to read?

  2. Welcome and welcome
    We are very pleased with your confidence in our website
    We always wish to provide important information to every immigrant in America
    We are in the process of establishing English sections in our website on travel and immigration information
    The first free website provides inquiries and information to immigrants in the United States, Canada and Britain

  3. This website is not intended for advertisement advertising for other websites free of charge
    If you are looking for a link to your website or placing a special advertisement on your website, you should email us this to agree
    – Terms Your web site should have no spammers
    – Show us your business message.
    Our website will soon become a major web site
    Email-address
    tigwalla@gmail.com
    Thank you
    Tigwall

التعليقات مغلقة.

Read also x