سولت ليك سيتى مدينة الثلج والحر

تليفريك سولت ليك Salt Lake City

سولت ليك سيتى مدينة الثلج والحر Salt Lake

 

تقع مدينة سولت ليك Salt Lake City في جنوب ولاية  يوتا  بين كلورادو و نيفادا و أريزونا لاس فيجاس بالولايات المتحدة الامريكية

 

مدينة الثلج والحر سولت ليك سيتى

 

جوها في الشتاء ثلج زي ما واضح في الصور ومع ذلك الطرق بتكون نظيفة والتحرك سهل لأنهم بيكونو متوقعين الثلج ومستعدين له، ده غير ان الجبال بتمنع الرياح اللي بتخلينا نحس بالبرد، يعني في عز الثلج بلبس نفس اللبس الصيفي وفوقه جاكيت

نيجي للصيف حر جداً طول ما انت تحت الشمس مباشرةً، لكن في الظل بتحس بنسمة هواء باردة

وعادي جداً ممكن تتوقع مطر أو ثلج في شهر ستة 

 

السكن فى سولت ليك سيتى

الشقق بتبدأ من 700$ وما فوق على حسب عدد الغرف والمكان والخدمات

والبيوت بتبدأ من 1200$ تقريباً

ممكن تلاقي بيت أربع غرف وثلاث حمامات ب 1500$ في الشهر

وفيه شقق سكنية الولاية عملتها لأصحاب الدخل المحدود بسعر معقول يعني شقة غرفتين وحمامين ب 900$ شاملة الماء والكهرباء، في أماكن كويسة و معظمهم جدد

 

العمل فى سولت ليك

الحمد لله الشغل متوفر لكن ما تتوقعش تشتغل في تخصصك من الأول الا نادر

مبدئياً بتشتغل أي شعل لغاية ما تقدم في كذا مكان حسب تخصصك وبعد كده بتبقى مسألة علاقات زيها زي أي مكان متوسط اجر الساعة 10 دولار ومعظم العمل ب يعتمد على التيبس البقشيش

 

 

سولت ليك Salt Lake City

التامين فى ولاية يوتا بالولايات المتحدة الامريكية

فيه تأمين صحي مجاني اللي هو المديكيد لذوي الدخل المحدود و فيه تأمينات خاصة تبع شغل كل شخص

و معظم المستشفيات هنا تابعة لكنيسة المورمان، لو حد ما عندوش تأمين بيعملو له تخفيض و بيقسطو المبلغ

 

الحياة الإجتماعية فى سولت ليك

فيه نسبة عرب معقولة و فيه بعض الأنشطة زي في رمضان فيه افطار جماعي في المسجد واضح في الصور تحت وكمان فيه نشاطات في الحدائق في الأعياد

والنَّاس اللي هنا أغلبهم مورمان يعني بتلاقي في حشمة في اللبس خصوصاً في المدارس (أكيد لكل قاعدة شواذ بس بتكلم عن الأغلبية) و كمان مافيش خمور في المحلات العادية ليها أماكن مخصصة يعني بيئة مناسبة للعائلات

وطبعاً أكيد سمعتو ان المورمان عندهم التعدد في الزوجات بس ما تقلقوش لأنه غير قانوني

 

زي ما شايفين في الصور المدينة هادئة ونظيفة و المواصلات متوفرة سواء باص أو مترو وفيه قطار بيوصل بين المدن بولاية يوتا وو فيه أماكن ترفيه مختلفة

 

التعليم فى سولت ليك سيتى

فيها جامعة يوتا هنا في دي اللي عملو فيها أول قلب الصناعي زمان University of Utah. وفيه جامعة بروفو في مدينة بروفو Provo وفيه الكميونيتي كولدج Salt Lake Community College

 

5

طبيعة العمل فى ولاية يوتا 

فيه شغل زي انك تشتغل على تاكسي أو دليفري بيتزا او كاشير او تجارة سيارات ولو لك خبرة في الكمبيوتر بتقدم في الشركات فيه شركات هنا مش بتركز على الشهادة زي ما بتركز على الخبرة و القدرات ولو امرأة ممكن تشتغل مدرسة بري سكول في داي كير بالثانوية العامة بس

لو فتحت على اي آب من بتاع الشغل زي Indeed هتلاقي فرص كثير و بيكونو محددين هما عاوزين ايه. ده اللي على بالي حالياً ومش محتاج شهادة غير كده الشغل بالشهادات متوفر برضو بس محتاج صبر و انك تقدم في كذا مكان

 الساعة بتبدأ من 10 $ بس نادر انك تلاقي ده غير في الشغل اللي معتمد على البقشيش

 

 

مسجد ب سولت ليك Salt Lake City

 

 

الاكل الحلال بالمدينة

يوجد محلات باكستان و عراقيين ب سولت ليك بيبيعو حاجات حلال و كمان فيه كوستكو و رستورانت ديبو بيبيعو لحم حلال ولحم عادي. لكن كل اللحم هنا ذبيحة الفرق ان واحد متسمي عليه والثاني لأ

 

اسم المنطقة القريبة من العرب والمساجد فى سولت ليك

 ونفس الوقت امان للعيش والسكن وتكون نظيفة South salt lake, Murray كويسين أسعار و قريبين من مسجد النور وفيه أماكن كثير أمان. ابعد عن الداون تاون جهة الهوملس كل المناطق أمان بإذن الله

2 فكرتين بشأن “سولت ليك سيتى مدينة الثلج والحر”

  1. طاب الله اوقاتكم بكل خير أنس محمد آدم من السودان العمر 31 سنة أنوي الهجرة الي امريكا عن طريقة الدعوات التجارية كم زكرتم لنا انا غير متزوج أتحدث الانجليزية مؤهلي هو اكمال ثانوي جواز السفر جاهز جواز اللكترني ليس فيه مهنة علي الإطلاق وانا في امس الهاجة للسفر فماذا علي عمله الان لكي ابدا الهجرة كيف ومتي واين وشكرا

    1. تم المراسلة على بريدك الالكترونى المرفق تفحص بريدك (بريطانيا) والبريد المرسل لك غير مخصص للرد او الاستفسارات فقط للمراسلات اي استفسارات هنا
      مع العلم ان موقع وصفحة تجوال للسياحة والسفر والهجرة هما غير هادفين للربح يعملون بصورة مجانية تماما وموقع وصفحة تجوال غير مسؤلة عن اي بريد الكترونى او موقع اخر او اي وسائل اتصال او تواصل تطلب منك اموال او تصرف خاطىء منك ينتج عنه خسارة مادية او خسارة من اى نوع لذا وجب التنبيه ان خدماتانا جميعها مجانية بدون اي مقابل وخدماتنا تحصر فقط في خدمات الكترونية معلوماتية تسهيل ما لم تستطيع الحصول عليه الكترونيا من خلال الداتا الخاصة بها وخبراتها في السفر والهجرة وان موقع وصفحة تجوال لا يستخرج فيزا هو فقط يساعدك في الحصول على دعوات تجارية تساعدك في الحصول على الفيزا نشكركم على تفهكم ونتمنى دائما ان نكون عند حسن ظنكم والله الموفق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *