المعادلة الامريكية للصيادلة 2018

المعادلة الامريكية للصيادلة usa

المعادلة الامريكية للصيادلة 2018

موضوعنا اليوم عن المعادلة الامريكية للصيادلة و ما هى الاوراق المطلوبة لمعادلة الصيدلة في امريكا وكيفية العمل كصيدلي في امريكا وهم المعلومات لك كصيدلى موجود بامريكا او تسعى للدخول لامريكا للدراسة او الهجرة او العمل فى امريكا 

 

المعادلة الامريكية للصيادلة 2018 و الاوراق المطلوبة والخطوات :

الخطوات كتيره شويه بس باختصار كده هتبدأ بالورق اللي هتقدمه عشان الامتحان وده لفه محترمة على الكلية والجامعة والنقابة العامة والوزارة بعدين بتبعت الورق ده لجهتين اول واحدة هيا ال FPGEE ودي اللي هيا مسؤوله عن الامتحان والتانية ال ece ودي بتتأكد من صحة الورق والشهادات اللي متقدمه

كده بتكون جاهزه لاول امتحان وده بيكون مرتين في السنة مره في شهر ٤ ومرة في ١٠ نجحت تاخد 1500 ساعه internship وده ساعات تدريب مدفوع الاجر ولما تخلصهم تقدم على الامتحان التاني اللي هو ال naplex بس قبليه لازم تكون نجحت في التويفل ..بعد ما تنجح في ال naplex يبقى فاضلها امتحان ال license بتاع الولاية اللي هتشتغل فيها…دي فكرة عامة كده

التويفل تاخده في اي وقت اهم حاجه قبل ال naplex مش هتخشه من غير تويفل

 

امتحان المعادلة الامريكية للصيادلة  

لما بتبعت الورق لل FPGEE بيديلك امكانية تخش امتحانين يعني لو انت قدمت في شهر ١ هيبقى قدامك امتحان شهر ٤ و شهر ١٠ ممكن تخش اي واحد فيهم بس مش بعد كده يعني ماتقدمش غير لما تبقى جاهز وناوي تخش الامتحان كمان لازم تكمل المعادلة خلال خمس سنين من نجاحك في fpgee بعد الخمس سنين هتبقى النتيجة expired

 

عدم اجتياز امتحان المعادلة الامريكية للصيادلة :

بالنسبة لو دخل الامتحان ومانجحش بيخش على طول الامتحان اللذي يليه عادي بيدفع الفلوس ومابيقدمش الورق تاني بيدفع بس..وليه خمس محاولات عشان ينجح مرات اقصي عدد الدخول fpgee ولازم تخلص كل حاجه في خلال خمس سنين من تاريخ نجاحك في ال fpgee

 

 

الولايات الافضل ل المعادلة الامريكية للصيادلة

فيه ولايات مش بينفع تعمل ال internship غير لما تنجح في ال FPGEE وال TOEFL وتاخد شهادة اسمها FPGEC ودي كأنها شهادة التخرج بتاعتك كدة اللي بتقول ان الشخص ده مستواه زي اللي اتخرجوا من امريكا وممكن يكمل في الخطوات اللي بعد كدة وياخد الرخصة وفيه ولايات قليلة بتسمح انك تعمل ال internship عادي قبل ال TOEFL
كمان ممكن في فلوريدا تعمل ال internship قبل الامتحانات اصلاً فلازم تراجع قوانين الولاية بتاعتك الاول

 

ولايات بتسمح انك تمتحن ال NAPLEX

اللي هو امتحان الرخصة اللي بيمتحنه كل خريجين صيدلة سواء من امريكا او الاجانب اللي زينا بعد ما ياخدوا ال FPGEC فيه ولايات بتسمح بالامتحان ده قبل التدريب اللي هو ال internship واصلاً ممكن ناس تكون عايشة في ولايات تانية وتقدم على الامتحان معادلة الصيدلة عن طريق الولايات دي لو عايزة تمتحن قبل التدريب.
وطبعاً قانون الولاية داخل امريكا ده امتحان تاني ومن حقك تمتحن قوانين الولايات كلها لو حبيت لو عايز تبقى مترخص فيهم كلهم.

 

دراسة الصيدلة خارج امريكا

مش هتعيد ولا حاجة طبعا هتيجى تعمل evaluation للمواد الى درستها و بيتحسبلها الكريدت بتاعهم و هتدخل امتحان المعادلة علطول و تعمل toefl بعدها بتعمل ١٥٠٠ ساعة تدريب مدفوعة الأجر و بعد كده امتحان الرخصة و تقدر تشتغل بعد كده عادى او تكمل دراسة لو هى تحب تخصص pharm D مثلا او اى شئ المهم انها مش هتبدأ من الاول ولا حاجة هى هتكمل على الى درستة اى دولة خارج امريكا عموما السعودية الامارات مصر و رأى الشخصى الطريق ده أسهل و أسرع و أوفر

 

مدة المعادلة الامريكية للصيادلة

امريكا الصيدله فيها حوالي ٨ سنين او اكتر لو مجال طب اوصيدليه سنين الدراسه كتيره جدا لو هندسه امريكا احسن مع انك عشان تشتغلي في امريكا بعد الدراسه اربع سنين كمان بعد الكليه تدريب وامتحانات

صيدلة زى طب واصلا الاربع سنين الاولانيين بتاخد فيهم مواد مختلفة بس بيبقى فى مواد تؤهلها للصيدلة او الطب زى الكمياء والفزياء وبتتخصص فى مجال معين ممكن تشتغل بيه بعد الاربع سنين او تقدم بقى فى صيدلة وتكمل لو متوسط درجاتها فى ال 4 سنين الاولى عالى

 

دراسة الصيدلة فى السعودية او الامارات او مصر

اذا هتدرس الصيدلة فى السعودية او الامارات او مصر لازم علشان تشتغل فى امريكا بتدري تانى علشان تعادل الطب او الصبدلة حوالى 3 سنين كمان لو درست فى امريكا من الاول هتدرس 4 اى مجال و4 طب يعنى 8 الفرق انها لما بتدرس هنا ممكن تشتغل علطول وتنمى لغتها وده افضل

 

دراسة علاج طبيعى فى السعودية او الامارات او مصر

لو درست علاج طبيعى هتدرس الصيدلة فى السعودية او الامارات او مصر. ممكن الشهاده تتعادل هنا ولكن لازم تكون قويه في اللغه عشان اختبارات اللغه مهمه للترخيص لمن درس خارج أمريكا ولا يحمل الجنسيه. كليه العلاج الطبيعى فيها برامج تعد الخريج لمعادله الشهاده بام يكا. ولكن ده في جامعه القاهره بس . برنامج البكالوريوس متطور بمصر ولكن ممك. ن تحتاج تدرس تانى بعد التخرج للمعادله.

صيدله من السعودية او الامارات مصر لازم تعادلها من امريكا و لازم تاخد ترخيص معاها أو انك تدرس حاجه بسيطه و ابقي pharmacist technician اما حقوق دي مالهاش حاجه غير انك معاك عدد معين من الكريدت ف الجامعه

 

العمل كصيدلي في امريكا

اعتماد شهادة الصيدلة من امريكا مافيش اي شهادة اسمها معتمدة لازم تعمل evaluation وتحصل على رخصة مزاولة مهنة الصيدلة فى امريكا وبتتطلب دراسة قبلها وبورد ( طب صيدلة اسنان علاج طبيعي تمريض ) دول مش زي بقية الكليات اللي ممكن عادي تشتغلي بخبرتك الحقوق قصة تانية كمان

 

اسئلة واجوبة هامة :

* دلوقتى معايا فيزا سياحة و ناوى على معادلة بكالريوس صيدلة. المعادلة بتتطلب انى اقضى عدد ساعات معين تدريب و عشان اى صيدلية تقبلنى لازم يكون معايا Sponsor and SSN. اجيب الاتنين دول ازاى ؟

– قدم للمعادلة او دراسات عليا فى جامعة الفيزا تتحول ل F1 و تقدر تطلع SSN و الجامعة حتكون ال Sponsor لو قدرت تجيب Sponsorship فى الجامعة تمام لو معرفتش لازم حتدفع المصاريف بفيزا السياحة فقط مش حتقدر تعمل حاجة .

* هو ايه المقصود ب SSN وهل أى F1 ينفع الجامعه تعمل له sponsorship

Social Security Number – هو الرقم القومى

* دلوقت معايا فيزا سياحة عشان همتحن لمعادلة صيدلة وعايز اكسرها.

الحل انى بعد ما امتحن fpgee وتويفل باخد ساعات تريننج فى صيدلية او اى هيلث كير وبيدونى عقد عمل بس قالو بقى صعب جدا بس مش مستحيل؟
لو صيدلى او عندكو معلومات يريت ازاى اخد جرين لا لازم الجواز؟

– شبه مستحيل وهيبقي مستحيل لو كسرت الفيزا اوعي تكسر

– الاحسن تنجح في الامتحان وتاخد الشهادة وتشوف حد محترف يكتبلك ال cv بفلوس وتقدمها لاكتر من 100 او 200 مكان في امريكا ولو تقدر تزور صيدليات ومستشفيات علي قد ما تقدر شخصيا وتتكلم مباشرة مع المدير وتعرض عليه وتشوف رده هيكون ايه
ونصيحة لو الانجليزي مش كويس يبقي وفر الخطوة دي لحد ما تظبط نفسك جدا جدا جدا

– متكسرش قدم على فيزا طالب وشوف شغل بلاك علشان تصرف على نفسك وتبقى قاعد قانونى ودور على صيدليات صغيرة وحاول تتدرب فيها يمكن صاحب الصيدليه يوافق يقدملك على فيزا شغل امريكية

 

* انا هسافر امريكا ان شاء الله اول اكتوبر جرين كارت لم شمل

عايز اكمل تعليم هناك انا دلوقتي في الجامعة ادرس الصيدلة
اول ما اوصل كاليفورنيا اروح فين عشان اقدم اروح كومينتي كولج
ولا اروح الجامعه ولا ايه اللي مفروض اعملو
لاني مش فاهم السيستم ايه هناك

– للأسف الجامعة رفضت

قالولي انهم احتارو وين يضيفوني ( بسبب الاختلاف فالمواد ) فقالولي روحي للكومونيتي كولج او دور على الجامعات التى تقبلك

– اللي درسته غالبا مش هينفعك هنا بس انت محظوظ لان مش معاك بكالوريوس هتقدم هنا بالثانوية العامة وطالما معاكي جرين كارد ليك فاينانشيال ايد من الحكومة هتدرس من الاول وده احسن ليك

– هتقدم في كوميونتي كولدج وتحصل على شهادة في البيولوجي مثلا وبعدين تكمل صيدلة أو طب زي ما انتي عاوز

 

– الفايننشال أيد بيغطي بحد أقصي ٦٠٠٠ $

بالنسبة للحصايل على الجرين كارد الامريكى او الجنسية الامريكية عن السنة المدفوع ضرايبها لو دخلك قليل بحد أقصي سنتين عن مدة دراستك و الباقي بيتدفع قرض يتم سداده بعد التخرج يعنى لو شهادتك الجامعية تتكلف ٤٠ الف الفايننشال يغطي ١١ الف سنتين و الباقي قرض

– مش بالسهولة دي الجامعات

بتقبل المواد المحولة شغلانة كبيرة وتجيبي course escription لكل مادة مع بيان الدرجات بالساعات ولادي بعد الدوشة دي كلها قبلوا من كل واحد مادتين وما فرقش في مدة الدراسة اي حاجة بالعكس دول مادتين واقفين في الزور لما تيجي تعملي دراسات مثلا في جامعة تلنية يقعدوا يطلبوا منك معادلة لهم تاني ودوشة ريحي دماغك وابتدي من الاول ( عن تجربة )

– حسب الجامعة اللي هو رايحلها الاول

اهم شيء يكون درس باللغة الانجليزية بمصر وياخد معه توصيف جميع المواد اللي درسها باللغة الانجليزية مختوم وموقع ومصدق من رئاسة القسم بتاعه مع رسائل توصية من دكاترة القسم بتاعه (٢-٣ رسائل توصية وفي جامعات متطلبش)
وللعلم الحد الاقصى للجامعة لمعادلة الشهادة هو ٦٠ ساعة وده نادر اصلا كون الجامعة خارج امريكا ولا تتبع النظام الامريكي في الخطة الدراسية

وضروري جدا مخاطبة القسم قبل التقديم بامكانية معادلة المواد والاكمال ام لا

ده غير انه محتاج english proficiency وتتمثل في تقديم التوفل او الايلتس بعلامة لا تقل عن ٨٠ بالتوفل او ٦-٦.٥ بالايلتس
(ده لو رايح جامعة طبعا)

لهذا انصحه انه يكمل بمصر حاليا وبس يخلص يكمل بامريكا بدل ما يضيع وقت وفلوس ويفقد ساعات هو اولى بيها

(مع العلم اني مررت بنفس التجربة حرفيا)

 

المعادلة الامريكية للصيادلة

 

المهاجر الجديد الى امريكا نصائح له بخصوص الدراسة والعمل

نجربة اولى لمهاجر:

١.شغال في مطعم بارت تايم و بحاول الاقي شغلانة كمان جنبه.
٢.بدرس حاليا pharmacy technician.
٣.مقدم على community college و دي مش مقتنع بيها اوي لاني مش متخيل ادرس بعد كل اللي دارسه.
٤.هأودي شهادة مساعد العلاج الطبيعي تتعادل و لو انهم بيقولوا مفيش اعتراف بيها بس على اللله.
كده عداني العيب و لا في حاجة كمان تتعمل و انا مقصر؟

افضل طريقة للدراسة مجانا لك ولعائلك وايضا الاقامة الدائمة والحصول على الجنسية الامريكية لك ولجميع افراد اسرتك يمكنك الاطلاع عليها من هنا افضل طرق الاستثمار في امريكا

تجربة اخرى لمهاجر

انك بتشتغل وخلاص علشان حاجات كتير( اولها الفلوس والمصاريف ثانيا الrefrence لما تيجي تقدم علي شغل ثالثا الاحتكأك بالمجتمع واكتساب لغة) ثانيا بقي وده اللي مفروض فعلا تعمله هو معادلة شهادة العلاج الطبيعي( لو اني مش عارفة انت متخر ج سنتين منين ما شفتهاش الا بالتعليم التطبيقي بالكويت مصر لا ) المهم هنا حتكسب دهب بس اعمل زي ما قلت لك في الكومنت اللي فوق

 

اقرا ايضا  الهجرة الى كندا استراليا نيوزيلندا

سولت ليك سيتى مدينة الثلج والحر

تكلفة المعيشة في سياتل واشنطن

اجمل ولايات امريكا للسياحه والاقامة

5 رأي حول “المعادلة الامريكية للصيادلة 2018”

  1. اود تكملة دراسة الصيدله في غير امريكا لانني سنه ثالثه صيدله في امريكا اود معادلة المواد في جامعه

التعليقات مغلقة.