Booking.com

امتحان البرمت في امريكا واوبر نيويورك

امتحان البرمت في امريكا واوبر نيويورك

امتحان البرمت في امريكا واوبر نيويورك و العمل في نيويورك

 

 

امتحان البرمت في امريكا واوبر نيويورك و العمل في نيويورك او العمل في اي ولاية او مدينة في امريكا وكيفية الحصول على رخصة TLC والعمل بها في اوبر امريكا او غيرها واجتاز امتحان البرمت في امريكا ؟؟

هذا السؤال كرر كثيرا ايضا كيفية التقديم في الشركات وكيفية الحصول على سيارة تمكننى فى العمل في نيويورك او اى ولاية او مدينة اخرى في امريكا عن طريق الايجار الأسبوعي مثلا بخطوات سهلة وبسيطة

 

 

اختبار البرمت في امريكا و العمل في نيويورك

لتكون مقيم في نيويورك و العمل في نيويورك او ليس مقيما وتنوي تعمل داخل نيويورك انت تحتاج ان تقدم علي رخصة TLC. وتجتاز اختبار البرمت في نيويورك مبدئيا لابد ان تعرف ان قانون TLC بيلزم المتقدم بأنه :

– لابد أن يكون عمرك 19 عامًا على الأقل

– حاصل على رقم التأمين الاجتماعي Social Security Number لابد أن تكون حاصل على رقم ضمان اجتماعي صالح وقت تقديم الطلب

– مجموع نقاطك بالرخصة الخاصة بك ل العمل في نيويورك لابد لا يزيد عن 6 نقاط على ترخيص DMV الخاص بك خلال فترة خمسة عشر شهرًا من وقت نهاية اخر تاريخ مخالفة حصلت عليها نفهم من ذلك أنك لابد ان رخصتك تكون مر عليها سنة على الأقل.

– يجب أن يكون جميع المخالفات التى علقت تم سدادها سواء انتظار غرامة أو سيارة أو قضايا معلقة فى وقت سابق أو أي التزامات مالية DMV or NYC PVB or TLC

– إذا كان لديك رخصة من مدينة نيو جيرسي أو مدينة كونيتيكت أو بنسلفانيا ، سوف تحتاح إلى تقديم سجلات للقيادة معتمد. ومعها الرخصة تكون سارية للعمل في نيويورك

 

 

العمل في نيويورك

بالسياقة و اختبار البرمت في نيويورك تكون فئات الرخصة A و B و C و E هى التى تقبل. اذا كنت حاصل على ترخيص من الفئة D ، سوف يمكنك من الحصول على رخصة قيادة من الفئة Class بعد سداد الرسوم التى تقدر بين 5 دولارا او 40 دولارًا بالنظر على عدد السنوات التى تبقيت على ترخيص الفئة D.

 

 

رخصة القيادة في امريكا

إذا كنت حاصل على ترخيص من نيوجرسي ، أو كونيتيكت ، أو بنسلفانيا ، فستحتاج إلى تلخيص معتمد من DMV المحلي خاصتك يذكر فيه أن فئتك من الرخصة تسمح لسائقي التاكسي في ولايتك . هذا ممكن يظهر وقت استيفاء الاستمارة إذا كنت هتحتاجه أم لا

على كل لا تنزعج بالمتطلبات الكثيرة التى ذكرت آنفا كل ما تحتاجة وانت مهاجر جديد الي امريكا أو أول مرة تزورها او لست خبير ولديك معرفة بهذه القوانين سنك اكبر من 19 سنة الرخصة لا يوجد اكثر اكتر من 6 نقاط في اخر خمسة عشر شهرا ويجب ان لا تتجاوز عدد اربع حوادث فى آخر سنة وان يكون لديك بريد الكترونى تستقبل علي الرسائل الخاصة بهم

نبدأ بالتسجيل من خلال الموقع

nyc

 

Apply for New License’ on the left side of the page

Select ‘Driver’ for application type

3 Select “TLC Driver’s License Medallion/For-Hire/Street Hail Livery Driver

تتجه للصفحة التالية وتعلم علامة صح وتضغط على استمرار والصفحة التالية تضغط موافق واستمرار هنوصل للصفحة التى تليها بها تسجيل بياناتك والاختيارات هتبقي No ثم تختار review and confirm تظهر لك صفحة بها بيانات التي قمت بادخالها قم بمراجعتها ثم تنقل لصفحة الدفع قيمة الدفع للتسجيل دولار 252 وفي نهاية الامر ستصل الى الصفحة الأخيرة يوجد بها رقم التقديم وهذا الرقم سوف يصبح بعد ذلك رقم الرخصة بعد نجاحك واستيفاءك المتطلبات .

 

الابليكشن

هتاخد رقم الابليكيش وتقوم بعملية تسجيل الدخول وكلمة المرور هتبقي الرمز البريدي اللي دخلته في الابليكشن واخر خمس ارقام من Social Security Number من خلال الصفحة

بمجرد دخولك الصفحة هيكون ادامك 90 يوم من تاريخ التسجيل وتبدأ ترفع صور لكل مرفقات مطلوبة
لو أنت رخصتك من نيويورك لازم تعدل الرخصة لو هي عادية سهلة جدا وتعديلها بانك تملى الفورم ده

وهتروح اقرب مكتب من DMV دور عليه هنا بالرمز البريدي من الموقع

 

 

انتهاء الكلاس ل امتحان البرمت في امريكا

بعد ما تخلص الكلاس ُ وتعديل الرخصة هتبعته لـ TLC في لينك هتلاقيه تحت ثابت لتحديث أي بيانات ورفع المستندات لحالتك لو أنت رخصتك من نيوجيرسي هتحتاج أنك تطلع ertified abstract تبعته لـ TLC في لينك هتلاقيه تحت ثابت لتحديث أي بيانات ورفع المستندات لحالتك

 

 

لو أنت رخصتك من Connecticut

هتحتاج تطلع certified abstract and an F endorsement معلش F غالي شوية ب 75$ وبرضه تبعتهم لـ TLC في لينك هتلاقيه تحت ثابت لتحديث أي بيانات ورفع المستندات لحالتك
لو أنت من بنسلفانيا معلش هتحتاج أولا certified abstract هتبعته لـ TLC في لينك هتلاقيه تحت ثابت لتحديث أي بيانات ورفع المستندات لحالتك

لو أنت من أي ولاية أخري كل اللي هتحتاجه أنك تطلع certified abstract هتتعب شوية لانك محتاج تملا الفورم ده

 

 

اقرب مكتب من DMV Ny

بعد ما تخلص الكلاس ُ وتعديل الرخصة وبرضه تبعتهم لـ TLC في لينك هتلاقيه تحت ثابت لتحديث أي بيانات ورفع المستندات لحالتك بعدها هتبدأ تسجل في كورس Defensive Driving هنا عندك حل كويس ومن غير ما تدفع فلوس وأنت تسجل حساب مستخدم جديد جوه UBER وتحدد أنك هتشترك معاهم في الكورس المجاني جوه اوبر وده أنك هترجع مكتبهم في

31-00 47th Avenue First Floor, Long Island City, NY 11101

 

 

كورس Wheelchair Course

وهتضم معاه كورس Wheelchair Course في 11 ساعة وتبقي خلصت أو لو أنك مشغول جدا ممكن تاخده اون لاين في المدرسة ديه بتقدمه بحوالي 45$ والامتحان عبر النت بتسمع وتمتحن وبتعبر الارخص سعرا متنساش ان تسجيل البيانات هيكون عن طريق رقم التسجيل هتلاقي في عناواين مدارس تانية هنا واللي ترتاح ليه اعمله 

وطبعا أيا ما كان هتبعت الشهادة برضه بنفس طريقة رفع المستندات وانت شغال هتلاقي المستندات في انتظار الموافقة وبعدها بتتقبل وبتقي اخضر او بترجع للايميل تشوف اترفضت ليه وتصلح افتكر انك معاك 90 يوم بالنسبة ل كورس Wheelchair Course لو عاوز تاخدها عشان وقتك وهتدفع فلوس ممكن تختار مدرسة

 

 

الكشف الطبي الخاص بالرخصة

بعد كده هنبدأ نعمل الكشف الطبي ادامك حل سهل وأنت تقدر تعمل الكشف الطبي وانت بتاخد الكورس في اوبر نيويورك أو لو مش هتقدر ممكن تروح ليهم العنوان ده بس طبعا كل ده لما تحدد ميعاد طبعا

 

31-00 47th Avenue, First Floor of the Falchi Building

Long Island City, New York 11101

 

أو أنت لو بتتعامل مع دكتور معين اللي يريحك تخلص الكشف والدكتور بيختمه وهتبعته TLC في لينك هتلاقيه فوق لتحديث أي بيانات ورفع المستندات لحالتك

 

 

تحليل مخدرات للرخصة في امريكا

بعدها هتعمل تحليل مخدرات للرخصة في امريكا بس خلى بالك لازم يكون معاك بيانات التقديم كاملة والرخصة الخاصة بيك وكمان money order بمبلغ 26$ أو credit or debit card وبعد ما تعمله هما بيبعتوا النتيجة ليهم تلقائي انت مبتستلمهاش

 

 

نتيجة اختبار البرمت في امريكا

أهم ما في الإجراءات ديه وأخرها هو الكلاس 24 ساعة والامتحان المؤهل ده مش امر سهل محتاج تركيز وانك تذاكر كويس عشان تقدر تحل الامتحان ع الكمبيوتر ممكن تدخل امتحان البرمت في امريكا أي عدد من المرات مفيش مشكله خلال 90 يوم بس كل مرة برسوم طبعا مش مجاني عشان كده حاول تاخده وانت مذاكر كويس الكورس في أماكن كتيره بتقدمه وكلهم واحد

ليك حرية الاختيار في المدرسة المناسبة وممكن تختار

بالتوفيق أنت كده خلصت وهتقدر تمتحن وان شاء الله هتنجح اهم حاجة التركيز بعد الامتحان ممكن تاخد الرخصة 15 يوم عمل أو اكتر شوية وتستلمها بالبريد وبعدها هتحتاج تدور على شركة تأجر منها عربية وتنطلق ع الطريق وربنا يسترها عليك

 

أخر نقطه مهمة

هنا ممكن تسجل مع كل شركات الخدمة بس وانت سايق استعمل الجي بي اس بتاعهم هما حتى لو جاب لك شلل هما بيعملوا على افضل معايير الامن والسلامة في حال والعياذ بالله حصلت حادثة انت كنت ماشي سليم وطبعا ده مينمعش ان حضرتك تاخد بالك الأساسيات من نظافة العربية ونظافتك شيء مهم متركبش حد اقل من 18 سنة لوحده ارفضه أو اطلب منه يكون معاه حد كبير مش معني أنك عربى فانت هيرو لا بعض الامريكان بيسألك عامل ايه وهتعمل ايه بعد ما تخلص مش معني كده انها عاوزاك تشرب معاك قهوة في أون ذا ران

 

 

اسباب ذلك

اذا هي عاوزة تتأكد انك مش هلكان أو هتموتها في الطريق ومش عشان فتحت موضوع تبقي خلاص دابت لا ده الطبيعي بتاعهم وخصوصا اللي عندهم فوبيا أي وقت حاسس انك مش هتقدر تسوق اركن ونام حتى لو فاضل ع بيتك 10 دقايق التزم بالسرعة القانونية لو جريت ضعف سرعتك مش هتوصل بدري ولا حاجة غير 2.45 دقيقة

 

 

قواعد السلامة اثناء القيادة 

تفتكر تستاهل تخسر حياتك أو تدفع فلوس عشان كده ومحكمة وتفتكر التزام قواعد السلامة في السواقة خاصة في المطر والثلج اعمل لنفسك جدول عشان تقدر تعمل فلوس واوعاك تحمل حد من خارج نطاق أي ابليكيشن ممكن يطلع مخبر وتبقي وقعتك سوده وبتبقي تتسجل كجريمة متسمعش كلام فهلوى ممكن تعمل فلوس الحمد لله قدرت اسدد مصاريف دراستي في يوم من الأيام منها والنهاردة

 

ملحوظة 

انا بجددها رغم ان مبستعملهاش بس مش عاوز اخسرها وفي نفس الوقت ممكن احتاجها في أي يوم ربنا معاك واخر نقطه أي حد يقولك هاخد الف ونص دولار واجيبها لحد عندك قوله شكرا اعملها بنفسك مش هتوصل لتلت المبلغ خصوصا لو استفدت من كورسات اوبر المجانية ولان لو اتكشفت ان الرخصة انت مرحتش ومتعتبش فيها ممكن تاخد خازوق مغري امشي عدل وكبر دماغك من أي فهلوي ربنا معاك

 

اسئلة واجوبة ونقاشات :

مينفعش انت لازم سوشيال سيكيورتي اصلا عشان تعرف تشتغل وفيزا السياحه ملهاش علاقه بالموضوع دا لانك جاي زائر مش للعمل ولا دافع للضرايب والا ان كنت تعرف حد يشغلك بقي في الخباثه كدا ماشي بس دا غلط علي الفيزا بتاعتك لو اتقفشت او حد بلغ عنك لكن اوبر. لا

 

تطبيقات خاصة بالقيادة في امريكا 

هناك تطبيقات كتيرة لعمل كل ده وكله منظم ومرتب وبعملولك تقرير دوري بمصاريف الشغل واللي بتطلعه والتقارير دي ممكن تقدمها لما تعمل الضرايب عشان يعملولك الخصم من مجموع الايرادات وبالتالي بعد الخصم حتبقى الضريبة عصافي الربح
مع العلم ، انه كل ١ ميل يخصم من مجموع ايراداتك للضرائب 0.54 دولار
وده مش قليل ، خصوصا انه اوبر بتعطيك عالميل حوالي 0.65-1.5 دولار وبالتالي تتبع المايلج بعمل huge difference بتخفيض الضرايب تراكنج اخر السنه بيجيلك انتى عملتى كام ميل ومسموح تزودى عليهم الضعف وبيضربه 57 سنت ويتخصمو مصاريف

 

في برنامج اسمه intuit quickbooks

بينزل عالتليفون وبيعدلك الرحلات بال miles وبتحط فيه ال expenses وبيلقط ال transactions بتاعة الكرت بتاعك وبتفلترها سواء صيانة او جاز او قطع غيار واخر السنة بتتحسب ليك عشان تعمل ال profit وال loss

 

امتحان البرمت في امريكا انا رخصتي جديده بقالها شهرين فقط لازم استني سنه علشان اعرف اقدم علي ال TLC ?

تمام ممكن لو قدرت تاخد الكلاس وتحولها الي E تقدر تقدم وتحصل علي TLC بشرط انك تنجح في الكلاس لو احتجت مساعده انا تحت امرك وهاوضح ليك تعمل ايه الموضوع لو عملته بنفسك مش مكلف نهائي زي ما تلجأ لمكتب او خلافه الموضوع سهل جدا

 

لازم سنه ع رخصه عشان تشغل اوبر معانا رخصه بس معدش عليه سنه سمعنا انك ممكن تاخد tlc هل دي ينفع ولا لزم سنه

ممكن تشتغل lyft
طلع Tlc عادي جدا وتشتغل اوبر وليفت وكل حاجه زي مانت عاوز في شركات بتطلع عربيّات للي رخصهم جديده مفيش مشكله بس انا بكلم حضرتك عن العمل في نيويورك

انا طلعت الرخصه وروحت لاوبر عملوليً اكونت مباشره واشتغلت تاتي يوم مش عارف بقا غيرو بقا القوانين ولا لا

 

انا ف نيويورك بس ف حته بعيده شويه فكنت عاوز نعرف ازي نشتغل مع اوبر وهل تغطي مصاريف العيشه خاصتنا اننا اسرة واريد العمل في نيويورك

tlc دا لازم اختبار وكده ولا مسالة مصاريف وابلكشانات

لازم عشان تسوق اوبر لازم يبقا معاك رخصه Tlc دا قانون نيويورك وتجتاز امتحان البرمت في امريكا
والرخصة دي بتعملها Drug test
Print finger
Medical Exam
وبتملالها ابلكيشن ع النت او ممكن تروح اوبر وهما يعملوهالك
وبتاخد عندهم حاجه اسمها wheelchair دا كورس
وبعد كده بتاخد كورس تاني ٢٤ ساعه ٣ ايام كل يوم ٨ ساعات
وبعد كده بتخش امتحان بقا
وبتكلفك حوالي ٦٥٠ دولار

 

طريقه التقديم ل امتحان البرمت في امريكا

والمشاكل اللي بيعملها البعض ويفكر انها فهلوه او يسمع من زمايله ويعرض انه يركب اي حد من اي مكان ويلاقي نفسه يركب undercover police officer

ويشيل مخالفات ممكن تكون من 1500$ الي 4000$ حسب المكان والانتهاك وال Towing لان لاحظت ان بعض الناس بتقول اركب TLC وانت مش معاك الرخصة ؟؟؟ وديه لوحدها مخالفه محترمة لاي حد عاوز يشتغل جوه نيويورك ممكن يتحرم من استخراج الرخصة نهائي لو القاضي حكم بكده

طب توضيح كده انا بردك انرفض من اوبر عشان الرخصه من اسبوع لاقيت وافقو علر الخصه لوحدهم ومستنى اكتف الانشورش بتاع العربية

شوف حد معاه رخصه و ميكن متاكتف في اوبر وادمهم انتي و حط صورتك في الاخر علشان تظهر في الابلكيشن الصوره في الرخصه و الايديه مش واضحه متجربه ميت مره

 

لما يكون في check point يخبط في الحيط ويدمر ورقة الفترة الجايه التلاكيك كتير وشغل الفهلوه مش ينفع القانوني سهل ومفيش احسن منه ده بغض النظر ع ان اي فعل مش قانوني ممكن يكون حرام عند البعض وده المفروض يكون عند الكل

 

يوم ما تدي حد اختيار تخليه يعمل criminal record يا راجل بعد شهر 11 الجاي شغل الهاسلر والبلاوي التانيه اللي هيتمسك هيتحط عليه وهيتلغي الورق بتاعه ديه نصيحه ليك وقولها لاي حد من زمايلك اللي جاي قطران بمعني الكلمة مشروع القانون اللي طرحته اداره ترامب اول أغسطس يخلي الناس تمشي ع العجين متلخبطوش واللي بيقولك ومفيش حاجه هتم قوله ان القانون من صلاحيات الرئيس ولن يمرر ع الكونجرس للموافقه

 

اقرأ ايضا مقالات قد تعجبك 

تامين صحي للولادة في امريكا us insurance

سولت ليك سيتى مدينة الثلج والحر

مدينة مينيابوليس ولاية مينيسوتا

تكلفة المعيشة في سياتل واشنطن

كولورادو دينفر اورورا فورت كولنز

لم الشمل فى امريكا المرحلة الاولى والثانية

 

admin

تدوينات ذات صلة

5 تعليقات على “امتحان البرمت في امريكا واوبر نيويورك

  1. مرحبا
    كل من له مشكلة متعلقة بالاجراءات الادارية او بقضايا لم الشمل او اي مشكلة قانونية وقام بمراسلتنا سواء هنا او على البريد الالكتروني سيتم النظر فيها وحلها قريبا بالتعاون مع اكبر استشاريين قانونيين معتمدين داخل الولايات المتحدة.
    نشكركم
    تجوال

التعليقات مغلقة.

Read also x