هجرة المهندسين الى استراليا 2017

هجرة المهندسين الى استراليا 2017

 

هجرة المهندسين الى استراليا من خلال المعادلة الأسترالية للمهندسين مع جهة المعادلة Engineers Australia

سوف نتحدث في هذا المقال عن جهة المعادلة الاستراليا للمهندسين والهجرة الى استراليا للمهندسين وما هى التخصصات الهندسية المطلوبة فى استراليا وتكاليف التقييم والمعادلة للشهادات والخبرات :-

جهة المعادلة الأسترالية للمهندسين

اياً كان نوعها :

– التقديم والاوراق المطلوبة
– كتابة الـ CDR وعناصر الكفاءة
– اعتماد سنوات الخبرة للهجرة الى استراليا
– أي معلومة غير واضحة في البوكلت
– أي سؤال يخطر على بالك خاص بـ EA

 

كل هذا سيكون من خلال اسئلة واجوبة :-

هل المعادلة الأسترالية للمهندسين بتتطلب مبلغ مالي ؟

ولو اه بيكون كام عشان احدد اكتر انا معنديش سسنين خبرة لاني لسه متخرج

بدون خبرة هيكون صعب جدا تجميع نقاط الهجرة الى استراليا وهتكون فرصتك ضعيفة عموما المعادلة بدون سنوات الخبرة بتتكلف 765 دولار استرالي والنتيجة تطلع بعد 4 شهور او تزود عليهم 295 دولار استرالي وتطلع بعد سهر او شهر ونص تقريبا

اعتماد سنين

الخبرة في الهجرة الى استراليا

لو معتمدتش سنين خبرتى مع EA هل ده معناه انهم ايضا لن يتم احتسابهم مع جهة الهجرة ولن يتم احتساب نقاطهم ؟

لو انا عندي سنين خبرا من كذا وظيفه ومكنش متامن عليا فيهم ؟ اعمل ايه

 

جهة المعادلة الأسترالية

للمهندسين تشترط التامينات او الضرائب لاعتماد الخبرات داخل مصر للتأكد من صحة شهادات الخبرة

لا مش معناه كده . لكن معناه ان الكيس اوفيسر بتاع ادارة الهجرة هيتاكد من الخبرة بنفسه وهيكون مش مطمن اوي وبيدقق اكتر غير لما يكون جهة المعادلة اللي بتفهم في تخصصك قالت ان فعلا سنوات الخبرة دي لها علاقة بمهنتك.

الخلاصة هتحسب لك النقاط طالما اوراقك سليمة ولكن فيه ريسك الرفض اللي ممكن تتجنبه لو اعتمدت السنوات مع جهة المعادلة

لو شهادات الخبرة مدعمة بخطاب التأمينات لجهة المعادلة الاسترالية . مش هنحتاج وسيله تانيه لاثبات الخبرة ؟
ولو فرضنا ان الشركة اللي كنت مؤمن عليا خلالها انهت عملها . دا مش هيسبب اي عائق ؟

رد السؤال الأول : لو الخبرة في اى بلد بيكون شهادة خبرة بالمواصفات المطلوبة + التأمينات كافي باذن الله بالنسبة لجهة المعادلة الاسترالية ، ولكن أحيانا وليس دائما بيتم طلب كشف حساب بنكي يوضح تحويل الراتب

رد السؤال الثاني : طالما معاك شهادة الخبرة بالمواصفات المطلوبة والمستندات الأخرى الداعمة للخبرة والمطلوبة حسب البوكلت فلن يؤثر ان شاء الله ان كان الشركة تم تصفيتها او لا بس على الاقل يكون ايميل ورقم تلفون الشخص اللي موقع شهادة الخبرة متاح لو أرادوا الاتصال به والتأكد من بيانات شهادة الخبرة.

 

الهجرة الى استراليا

انا مهندس معماري عمري ٣٧ و قدمت ورقي عن طريق شركة الهجرة الى استراليا قالولي اقدم على اني رسام معماري اسهل و افضل و تقريبا خلصت الاوراق باقي اختبار الايلتس هل اكمل و اللا اعمل معادله

جهة معادلة الرسام المعماري هي vetassess وليس EA

 

للمعادلة الى استراليا

لو كنت شغال في الجيش عسكري في مجال الإنشاءات اللي هو تخصصي دلوقتي ومعايا شهادة خبرة مختومة هل اقدر اثبتها كشهادة خبرة ولا لازم تأمين معاها لتقديمها للمعادلة الى استراليا ؟

للاسف مش هتقدر لاكثر من سبب. لازم تأمينات ولازم يكون العمل مدفوع ولازم شهادة خبرة بمواصفات معينة مش هيرضى الجيش يطلعها لك بالصيغة المطلوبة حسب التجارب السابقة لكثيرين

لو انا بعادل الشهادة بس من غير خبرة

، السنة ديه نزلوا في البوكليت ان حتى ال care episodes اللي بعد التخرج لازم يكون ليها اثبات توظيف ، طيب لو ماعيش اثبات هاينفع اعادل ولا لا ؟! و هل لو جبت شهادة خبرة بس مثلا مش مكتوب فيها المرتب كام هاتتحسب ولا ؟

لو مش عاوز تعتمد الخبرة بس عاوز تكتب عن مشروع اشتغلته بعد التخرج شغل يعني…يبقى لازم تجيب شهادة خبرة من الشغل ده انك كنت شغال من الفترة كذا لكذا بمهنة كذا وخلاص. مش هتحتاج تأمينات ولا ورق اخر ومش مهم الراتب يكون مكتوب فيها

 

تكلفة دراسة اللغة الانجليزية في استراليا

عايز اروح دراسة اللغة الانجليزية في استراليا عشان انجز بدل ما ادخل في دوامة الايلتس و تاخد و قت اكتر و بعد كدة اعمل ماستر في الهندسة الميكانيكية بس مش عارف ابتدي ازاي بصراحة و خايف اخلص اللغة و ميجليش قبول من جامعة هناك فكنت عايز اعرف بتتوقف علي ايه دراسة اللغة الانجليزية في استراليا

مفيش فيزا لاستراليا بتطلع لدراسة اللغة ، فيزا الدراسة الى استراليا تستخرج للبكالريوس او الماستر او الدكتوراة و شرط تبقى واخد قبلها ايلتس اكاديميك ، و الدراسة غالية جدا

 

تقييم شهادات الخبرة في استراليا

انا مهندس تخصص غزل ونسبج معايا ٩ سنين خبره من ٢٠٠٤ الي ٢٠١٣ من ٢٠١٤ غيرت مجال شغلي واشتغلت في صيانة المعدات الثقلية . كل سنين الخبره لها شهاده تامينات بس هل كلها حتتحسب ولا لا

مهندس غزل ونسيج غير مطلوب على قوائم الهجرة الى استراليا وللأسف مينفعش تعمل تقييم على اي تخصص اخر حتى لو عندك خبرة فيه لان جهة المعادلة هترفض ذلك الافضل ان تشوف الهجرة الى كندا ولكن ليس لي خبرة فيها

انواع ال visa الى استراليا

هل شهاده الخبرة مع ال job descry tion كافية لتوثيق الخبرة ولا لازم يكون معاها التامينات ؟!
.هل وجود قرابة من الدرجة الاولى في استراليا تعطى points على كل انواع ال visa الى استراليا ولا حاجه معينه بس ؟!

السؤال الاول: غير كافية ولازم معاها تأمينات
السؤال الثاني: بتعطي نقاط على فيزا استراليا 489 فقط على حد علمي 

 

لا يوجد تامين

اذا لم يوجد تامين ؟ او شهور التامين اقل من فتره العمل ؟ على اساس ان فى شركات بتامن بعد 3 او 4 شهور من بدايه العمل

لو مفيش تأمين خالص مش هيعتمدوا سنوات الخبرة. ..اما لو فيه فرق شهرين تلاتة في مدة التامين فعادي بتعدي

ماهو الفرق بين التقييم والمعادلة الاسترالية للمهندسين
هل تقييم شهادة الهندسة تسمح للمهندس بمزاولة المهنة بعد الهجرة؟

 

لأستراليا المهندسين بتكون معادلة . وتسمح لك العمل في استراليا مباشرة . ما عدا ولاية واحدة QLD هي التي تتطلب رخصة مزاولة المهنة في استراليا منفصلة يتم عملها بعد المعادلة الاساسية

 

هل المعادلة الاسترالية لها امتحان

ولا بتقدم ورق الخبرة وشهاده الخبرة والتأمينات وبتاخد وقت فقط؟

ليس لها امتحان…بتقدم اوراق الخبرة واثباتاتها وتقارير بتتكتب بشكل معين اسمها CDR وطبعا فلوس + وقت

 

الدراسة اون لاين في استراليا 

لو مهندس معمارى خبره 8 سنين ياترى ايه فرصتو فى التقديم المعادله والامتحانات بتكون اون لاين يعنى ولا ايه لو حد عندو معلومات عشان مش فاهمه موضوع الهجره والمعادله قوى

المعماريين لهم جهة معادلة مختلفة عن المهندسين اسمها AACA

 

اختيار التخصص للهجرة

انا اختيار التخصص بالنسبالي مقارنة بالوظائف اللي اشتغلتها معقد حبتين. خريج هندسة اتصالات والكترونيات. شهادات الخبرة اللي معايا . سنتين ونص Audio visual engineer. وخمس سنين تقريبا محاضر في كلية علوم طبية بس تخصص ليه علاقة بتكنولوجيا IT في المجال الطبي. تنصحني بشيء محدد بخصوص الهجرة الى استراليا ولا صعب يتقبل في الحالة دي.

تقدر تعادل شهادتك عادي على تخصص هندسة الاتصالات والالكترونيات طالما متخرج من القسم ده بغض النظر عن خبرتك.

اما بالنسبة لاعتماد سنوات الخبرة اول سنتين ونص ممكن يعتمدوهم وممكن لا وده بيعتمد على المهام الوظيفية لعملك في الفترة دي مقارنة بالمهام الوظيفية لمهندس الاتصالات والالكترونيات وانت اكتر واحد تقدر تحددها بعد الاطلاع على توصيف ANZSCO

بخصوص الخمس سنين محاضر لن يتم اعتماد هذه الفترة من الخبرة لان جهة المعادلة الاسترالية لا تعتبر ان التدريس هو خبرة عملية لها علاقة بالتخصص

 

حساب نقاط الهجرة الى استراليا

أنا مهندس مدني حديث تخرج ومخدتش طبعا سنوات خبره وبذاكر دلوقتي الايلتس بس مش ضامن سكور عالي ايه اللي أقدر اعمله يخليني اجيب النقط كلها وهل مثلا لو عملت دبلومة او حضرت ماستر في مصر هنا هتتحسبلي ولا لازم بره بلدى وهل هتضيفلي نقط كويسه تعوض سكور الايلتس لو اقل من السكور المطلوب .

الدبلومة والماجيستير لا يزيدك نقاط في الهجرة الى استراليا سواء عملتهم في مصر او برة مصر النقاط بتيجي من 5 حجات للمقيمين خارج استراليا السن – الخبرة – اللغة – الزوجة – المؤهل

 

افضل سن وتخصص للهجرة

بالنسبه للسن كل مكان صغير افضل صح وبالنسبه للزوجه هتضيف كتير يعني ابدا اقدم رسمي بعد الجواز افضل يعني مثلا سنتين كده علي الأكثر وأكون خدت سنتين خبره برضو في مجالي وهل مدني فرصه كتير هناك ولا ضعيفه

افضل سن 25 الى 32
الزوجة تضيف 5 نقاط بشروط ان مهنتها تكون على مفس قائمتك وتجيب 6666 او ما يعادلها وتخلص معادلتها
الخبرة سنتين ملهاش نقاط
من اول 3 سنوات خبرة تاخد 5 نقاط بتزيد مع زيادة السنين

نصيحة لما تشتغل خلي شغلك يأمن عليك ويدفعلك المرتب بالبنك مش كاش وخلي علاقتك دايما بمديرك وبشركتك كويسة عشان هتحتاج منهم اوراق وشهادات خبرة وقت التقديم

 

خريج هندسة الكترونية قسم هندسة

حاسبات وشغال مهندس شبكات وامن معلومات جهة المعادلة باستراليا هتبقى اية

شوف قوائم المهن الاسترالية واختار اقرب مسمى لمهنتك واتأكد ان المهام الوظيفية للمهنة المختارة منطبقة عليك وبعدها هتكون حددت جهة المعادلة لكن بنسبة كبيرة هتكون جهة معادلتك هي ACS ولكن يجب التأكد حسب الشرح السابق

انا خريج كليه هندسة قسم غزل ونسيج

لما قرات المهن الهندسية لقيت انها قريبه ل production on plant engineer هل دي فعلا مناسبة ولا انا الي بتهيالي

انت اكثر واحد تقرر حسب المهام الوظيفية ومهنتك الحالية ، وكذلك المواد الدراسية اللي درستها

 

مهندس مدني 60 نقطه في امل ؟

كلنا نترقب بداية السنة المالية الجديدة (يوليو) ونتمنى تغير للاحسن لأن آخر فترة كل الدعوات كانت ل 75 نقطة واكثر ل 189 ، و 70 نقطة فأكثر ل 190

 

هل وظيفة مهندس الصيانة تتقيم تكنولوجسيت ولا بروفيشنال في استراليا ؟

يتم التقييم بروفشنال او تكنولوجست حسب مستوى كتابة ال CDR الاسترالى ومدى تحقيقة لعناصر الكفاءة المطلوبة، وليس له علاقة بمجال عملك او التايتل بتاعك (الصيانة مثلا)

عناصر الكفاءة في ال CDR ماتبقاش واضحة هو عايز المهندس مثلا يحل مشكلة هندسية ، فيه ناس مثلا بتشتغل في الديزاين بيديهم بروفشنال و ناس مثلا تشتغل في التصنيع يقوله لا انت كدة تكنولوجيست ، و الفرق بينهم في نقط الكفاءة مش واضح

1- تخصص الشغل (ديزاين – تنفيذ – صيانة..الخ) بحصولك على البروفشنال او التكنولوجست غير صحيح

2- طريقة كتابتك في ال CDR ومدى تحقيقك لعناصر الكفاءة هي اللي بتحدد تكنولوجست او بروفشنال

3- هناك فرق كبير بين البروفشنال والتكنولوجست وبيظهر في شرح عناصر الكفاءة لكل منهما في البوكلت

 

شرح للرسوم الادراية

١. رسوم تظلم من الدرجة الاولى
٢. رسوم تظلم من الدرجة الثانية
٣. رسوم اصدار خطاب تقييم جديد بعد مرور ٣ سنوات من معادلتك
٤. رسوم اضافية مقابل تسريع النظر في ملفك

 

معلومة لكل المهندسين كل سنة EA

بتزود كافة المصاريف الخاصة بالمعادلة بتاريخ ١ يوليو
اما السنة دي فقرار الزيادة كان من ١ سبتمبر ٢٠١٨
يعني اي حد بيجهز المعادلة يحاول ينجز ويقدم قبل بداية سبتمبر عشان يتجنب زيادة الرسوم

 

مهندسة مدنية خبرة اكتر من عشر سنوات ايتليس ٧٧٧٧ هل من الضروري أن أقوم بمعادلة الشهادة

المعادلة اجباري قبل فتح ملف الهجرة لاستراليا

 

بخصوص

التقييم الاسترالى للمهندسين الكهرباء

1- تقييم الهجرة الى استراليا بيكون افضل مع Engineer Australia ام اقييم المؤهل فقط واقدم الخبرة لادارة للهجرة بشكل منفصل ؟ لو الخيار الاول افضل ليه ؟

2- مؤهلي مهندس طيران ومهنتي مهندس كهربا 10 سنين خبرة هل هايعتمدوها ولا طلب التقييم بيترفض ليا كمهندس كهرباء بسبب اختلاف المؤهل عن المهنة ؟

3- بيعتمدو ال10 سنين ولا بيخصمو منها؟ وامتي بيكون الخصم؟

1. الأفضل طبعا تقييم الخبرة مع جهة المعادلة الاسترالية قبل ادارة الهجرة لان ذلك يدعم موقفك امام ادارة الهجرة ويسهل من مهمة الكيس الاوفيسر بعد التقديم على الفيزا التأكد من سنوات الخبرة.

2. بسبب اختلاف الخبرة العملية عن التخصص الهندسي الدراسي ستصل إلى نتيجة من اثنين . اما ان تطلب تقييم على مهنة مهندس طيران وتضحي بسنوات خبرتك التي لن يتم اعتمادها ، أو انك تقبل بتقييم مهنة وكود تكنولوجست مع الاعتراف بسنوات خبرتك في مجال الكهرباء شريطة توفير المستندات المطلوبة والداعمة للخبرة طبعا حسب ما هو مذكور بالبوكلت.

3- بشكل عام لا يوجد مبدأ اسمه خصم من سنوات الخبرة في EA ، الأصل عندهم أن يتم اعتماد فترات الخبرة بشرطين .
الأول ان تكون لها علاقة بتخصصك أو مهنتك اللي طالب تقييم عليها
الثاني ان توفر المستندات المطلوبة لاثبات الخبرة …كونك تحقق هذين الشرطين لأي فترة من فترات الخبرة يعني اعتماد تلك الفترة
اما عدم مقدرتك على تحقيق أحد هذين الشرطين لأي فترة من فترات الخبرة يعني عدم اعتماد تلك الفترة.

اللبوكايت الجديد ذاكر انه يمكن تقديم الضرائب أو التأمينات أو الاثنين معا فادا مايعتبرش مخرج لموضوع الضرائب ولا المضمون اني أجيبه وكمان الضرائب بيتم تقديم كشف بيها اذا تعدى الراتب الشهري ١٢ الف جنيه

البوكلت الجديد

ذكر الضرائب أو التأمينات أو الاثنين معا..ولكن التجارب السابقة والفعلية الفترة الماضية لاعتماد الخبرات في مصر أظهرت تمسكهم بالتأمينات كشرط أساسي جدا لا يتم التنازل عنه ..والضرائب احيانا تطلب معها واحيانا يتم التغاضي عنها.

الخلاصة لو تقدر تجيب الاتنين مع بعض يبقى ممتاز..لو واحدة بس يبقى التأمينات طبعا …أما لو جبت الضرايب فقط ومجبتش التأمينات هتكون في منطقة الخطر وانت وحظك

 

لو حصلت على

دراسة الماستر في استراليا

انا مهندس مدني ، هل لو اخدت masters في استراليا اقدر بعدها احول اقامتي من طالب لعامل ولا هيبقا اجباري ارجع مصر تاني ؟

معلوماتي ان الماستر مكلف جدا يصل من 30 الى 40 الف دولار استرالي ..يمكن تحويل اقامة الدراسة الى اقامة عمل في حال ايجاد عمل بعد التخرج ..لا يمكن تحويل اقامة الدراسة إلى اقامة دائمة مباشرة ولكن يمكنك التقديم على الاقامة الدائمة فيزا 189 و 190 بنفس الشروط الطبيعية لكافة المتقدمين سواء من داخل او خارج استراليا وحسب نقاطك.

توثيق خبرتي في السعودية

كنت حابب اسأل علي توثيق خبرتي في السعودية كيف تكون معترف فيها في استراليا . وتاني سؤال معايا شهاده Leed GA وشغال علي FE .كيف يحسنوا الموقف هذه الشهادات ااو غيرها

المطلوب من خبرة السعودية هو:

1. شهادة خبرة بالمواصفات المطلوبة بالبوكلت
2. برنت تأمينات اون لاين
3. عقد العمل موثق من الغرفة التجارية
4. التأشيرة
5. الاقامة
وأحيانا يتم طلب كشف حساب بنكي يوضح تحويل الراتب

 

بخصوص الشهادات مثل Leed, FE, PE , PMP …الخ

لا تعطي نقاط في الهجرة لاستراليا. وجودهم هو مجرد اضافة لك في ال CV و CPD بأنك تهتم بتطوير نفسك وعلمك ، ولكن ليس لهم اي مميزات اضافية.

 

اقرأ ايضا 

الهجرة الى النمسا 2018 والجنسية

شروط العمل في اليابان و الهجرة

ارخص جامعات في امريكا 2018

العمل فى امريكا للمهندسين و المبرمجين و المصممين

 

 

رأي واحد حول “هجرة المهندسين الى استراليا 2017”

التعليقات مغلقة.