الدراسة في نيوزلندا مع عائلة

  • بواسطة

الدراسة في نيوزلندا مع عائلة

الدراسة في نيوزلندا مع عائلة المقصود هنا انه يمكنك اصطحاب عائلتك اثناء الدراسة في نيوزلندا ان كنت متزوج وهذا قد يمنحك ما تبحث عنه حيث ان من الممكن ان يعمل المرافق اثناء الدراسة العمل في نيوزلندا وقت كامل وايضا الدارس يمكنه العمل في نيوزلندا لكن بعدد محدود من الساعات

 

وسنتحدث في هذا المقال ايضا ما النفع من وراء العمل اثناء الدراسة وهل تفيد للتقديم الي الهجرة الى نيوزلندا ام لا .

 

ناس بتسال عن الدراسة في نيوزلندا وبشكل عام الدراسة في اوروبا وخصوصا ان فعلا اي معلومات دقيقة عن الدراسة في نيوزلندا او العمل في نيوزلندا معلوماتها غامضة شوية ومفيش تجارب كتير ودي حاجة انا مريت بيها شخصيا من سنتين اول ما ابتديت افكر فموضوع الهجرة الى نيوزلندا

 

طبعا في كلام كتير في موضوع الهجرة الى نيوزلندا واختيار البلد ومش هاتطرق لية في المقال دا ولو حاسيتو انكم استفدو من المقال ممكن ابقي اكتب سبب اختياري للدراسة بنيوزلندا ومصاريفها والعمل بها ومعيشتها وعن فيزا الدراسة بنيوزلندا بس في نقط وانا بكتبها عن الدراسة في نيوزلندا

 

لازم اجيب سيرة فيزا الدراسة بنيوزلندا عشان دي شروط ادارة الهجرة الى نيوزلندا بس مش هاقدر اتكلم عنها دلوقتي وفي لينكات لتاكيد المعلومة في المقال مناسب للي هايدرس وهايدفع وعشان تبقي عارف ان الدراسة بنيوزلندا متوسطة التكاليف

 

 

المنح الدراسية في نيوزلندا

اكيد في منح للدراسة ودي مش هاقدر اغطيها لاني مجربتهاش وانا لو معايا المبلغ دا اسافر لية وبردو الدراسة اللي اقصدها هي الدراسة الكاديمية وليست دراسة اللغة في نيوزلندا

 

معلومة هامة عن الدراسة في نيوزلندا

هجرة الدراسة الي نيوزلندا اسمها فيزا الدراسة ودا طريق لية 3 احتمالات بعد ما بتخلص الدراسة بنيوزلندا ترفع من نقط الهجرة الى نيوزلندا يا بتلاقي عقد عمل بنيوزلندا عن طريقه بتقدم علي اقامة عمل نيوزلندية يا اما مش قادر اقولها بصراحة ترجع تطمن علي صحابك

 

 

 

انواع فيزا الدراسة في نيوزلندا المدفوعة

لية بقي عشان في كذا نوع من انواع الدراسة بس هانتكلم عن المدفوع بس وهامشي مبدا اسال مجرب ولا تسال ادمن متدرب

النوع الاول للدراسة بنيوزلندا

Pathway Student Visa

النيوع التانى للدراسة في نيوزلندا

Fee paying student visa 

الاتنين نفس المعني فيزا الدراسة لنيوزلندا مدفوعة بالكامل بس الفرق ان الباث واي بتسمحلك انك تدرس لغاية 3 كورسات اذاي بقي الكلام دا :-

 

 

الجامعات في نيوزلندا

مثلا طالبة في شروطها انك تجيب ايلتس اكاديميك وخلينا من دلوقتي ناكد ان الدراسة محتاجة ايلتس اكاديميك المهم عايزين 6.5 وكل باند ميقلش عن 6 وانت جبت 6 اجمالي وعندك مثلا باندين 5.5 يبقي فالحالة دي هايدوك موافقة مشروطة انك هاتدرس اللغة الانجليزية بنيوزلندا

عندهم فالاول تنجح وغالبا هاتنجح تخش بقي علي دراستك الاساسية وفي الحالة دي لو حصلت على الموافقة المشروطة لازم تقدم الباث واي

 

 

الموافقة المشروطة للدراسة في نيوزلندا

بس خلي بالك بقي اي جامعة بنيوزلندا قبل مابتدي الموافقة المشروطة بترجع لادارة الهجرة في نيوزلندا بتاخد موافقة او بمعني اصح الفيزا دي ادارة الهجرة بتقولهم هذه هي موافقات لغاية تاريخ معين وانتظرو التحديث الجديد

يعني حاليا الموافقة بالفيزا الدراسية دي حتى نوفمبر 2018 ومن المتوقع ان بعد التاريخ دا يلغوها لية بقي عشان التعديلات الجديدة انا عارف زهتكو بالكلمة دي وفي ناس ابتديت تفكر ان التعديلات دي هايدوك الجنسية النيوزلندية مثلا فالمطار بس هايجي وقتها

 

 

العمل في نيوزلندا

النوعين اللي تم ذكرهم بيدوك صلاحيات انك تقدر تعمل في نيوزلندا 20 ساعة اسبوعيا وفي مستويات من الدراسة ممكن تديك 40 ساعة فالاسبوع

اهم حاجة مطلوبة منك انك لما تجيب موافقة من الجامعة بنيوزلندا او المعهد او بولي تكنينك يكون معتمد ودا هاتلاقية فاللينك الجاي

ولما تيجي تدور ادخل علي جامعة جامعة ومعهد معهد لانهم مش كتير الاجمالي 24 جامعة ومعهد بنيوزلندا وركز فالبلد عشان لو انت مذاكر كويس هاتعرف ان نيوزلندا صغيرة واكبر بلد هي مدينة اوكلاند بس مش العاصمة العاصمة مدينة ويلنجتون  

 

 

البحث عن كورس في الجامعات بنيوزلندا

بعد البحث وتجد الكورس المناسب وفي الجامعة او المعهد او البولي تكنيك لازم تفتكر كام نقطة انك فعليا رايح مش عشان تتمنظر اسف طبعا بس خليك واقعي انك عايز تدرس في حاجة معتمدة من ادارة الهجرة الى نيوزلندا

بس مش لازم تكون ليها ترتيب عالمي عشان اكيد هاتلاقي المصاريف وشروط اصعب بكتير وهاتحبط نفسك اكتر وصدقني مش هاتفرق كتير انا هاعمل مثال عن شروط جامعة .

 

 

مستويات الدراسة بجامعات نيوزلندا

مستويات الدراسة متقسمة من 1-10 وعشان نكون واقعين هانتكلم من 7-10 وكل مستوي لية مميزات يعني مستوي 10 دا للدكتوراة ومستوي 9 للماسترز و8 للبوست جراديوت و7 للشهادة او دبلومة والبكالريوس

ودا طبعا حضرتك اولا الي بتحددو والجامعة طبعا المفروض ان الي ناوي ياخد خطوة زي كدا لما يخش علي شروط الجامعة هايعرف مواصفاتة وخبرتة تقبل فالكورس دا وطبعا في استثنئات بس مش فالاساسيات يعني الايلتس استحالة يستغنو عنه

بس خبرتك وشهادتك هايكملو بعض وبالمرة السن مش عائق للدراسة في نيوزلندا بس لية اعتبارات والاعتبارات دي لادارة الهجرة بنيوزلندا

 

بالاخص يعني مثلا تكون متخرج من 2002 ومن ساعة تخرجك شغال واخر 3 سنين مش شغال وافتكرت تكمل دراسة دا اسمو جاب يعني فجوة بيبوصلها طبعا لكن لو انت شغال لغاية ما انت بتقدم بعد 15 سنة

وهاتدرس ماستر واخر حاجة درستها شهادة البكالوريوس من 2002 عادي جدا جدا بالعكس بيعتبروك مثال جيد مش للدرجادي يعني

 

 

مراسلة الجامعات بنيوزلندا

كل المطلوب منك تخش على الجامعة وعلى البرنامج اللي اخترتو وابعت اسالهم علي اللي محتاج تعرفو بس غالبا لو هاتسالهم ينفع اتقبل ولا لا هايقلك قدم اونلاين ونشوف نصحتي ليك قدم عادي وفي معظم اختيارات الاون لاين

بيسألك امتحنت الايلتس هاتلاقي اوبشن انك لسة هاتمتحن بس انت عايز تتاكد شهادتك وخبرتك مقبولين ولا لا واكيد اكيد مفيش فلوس هاتتدفع

 

 

دراسة الماستر في نيوزلندا

لو مثلا هاتدرس ماستر اوف يزنس ادمينستريشن في جامعة بنيوزلندا الماستر حضرتك دا ليفل 9 لو مثلا معاك باث واي انجليش الاول وبعد كدا ماستر يبقي ورقة وقلم واكتب معايا هاتاخد فيزا بمدة سنتين عالاقل وهايديك 20 ساعة عمل وممكن فالاجازات 40 ساعة

وفي ماستر بيديك 40 ساعة حسب برنامجك وينقع تقدم لزوجتك علي فيزا عمل بنيوزلندا ب40 ساعة وعن طريق زوجتك ايوة زي ماقريت هاتقولي دا انا الي بدرس هاقولك اقرا اللينكظ

المهم عن طريقها هاتقدم للولاد علي فيزا دراسة في نيوزلندا عشان يدرسو في مدارس حكومة مجانا طيب نيجي للتعديل بقي بعد ما اخلص الدراسة اعمل اية

 

 

فيزا العمل في نيوزلندا

بعد انتهاء الدراسة تمنحك الحكومة النيوزلندية فيزا العمل في نيوزلندا مدتها سنة تبحث عن عمل والعمل يكون لية شروط معينة ومناسب لمؤهلاتك ودا في مغامرة لان ممكن تواجة صعوبة عشان نيوزلندا صغيرة وفرص العمل مش كتيرة اوي بس يوم 8/8/2018

عملو تعديل ان من نوفمبر القادم سيمنحك فيزا العمل بنيوزلندا مدتها ستكون 3 سنين ايحث عن عمل براحتك يعني حسابيا من اول يوم دخلت نيوزلندا معاك 5 سنين وانشاء اللة يكون وقت كافي

ملاحظة عدد سنين الفيزا دا ينطبق علي مستوي 7/8/9/10 بس قصادها ممكن تلاقي تعديل في بعض المستويات للمرافق بس الاكيد مستوي 9 و 10 هايقدر يستفيد

خلاصة كلامي طريق الدراسة بنيوزلندا اللي يقدر يدبر المصاريف الاولية ممكن يكون اسهل عشان السؤال الي الناس بتسألة بدون قصد وهو اية اسهل بلد اهاجر ليها هوة دلوقتي السؤال الاهم اية اللي ممكن يقبلني عشان المنافسة زادت جدا

 

 

اسئلة واجوبة وملاحظات هامة :-

دراسة اللغة فى نيوزيلندا فى اى معهد بيبقى اقصاها 6 شهور فقط.
انصحك تقدم على دراسة دبلومة ادارة الاعمال ودى بتبقى سنة وبعدبن بيديك سنة كمان تبحث عن عمل وساعتها ممكن تاخد اسرتك

طبعا دي اهم حاجة
مستوي ٩ ماستر

يدي. للبارتنر او جوزك فيزا عمل ٤٠ ساعة وولادك لو اكبر من ٥ سنين هوة بقي الي بيقدملهم علي فيزا دراسية عشان يدرسو فمدارس حكومية زيهم زي المواطنين مجانا

المرافق يحصل على فيزا عمل بنيوزلندا تساوي مدة دراسة المتقدم 

ونفس المدة تضاف لهما للبحث عن عمل واذا وجدو عقد عمل يتم منحهم اقامة سنتين بعدها خلال السنتين يمكن التقديم على اقامة دائمة وبعدها جنسية… طريقة كويسة لكن تكلف فالبداية وبعدها يمكن ترجع فلوسك عن طريق العمل وتصرف على عائلتك .

انا شخصيا افكر اقدم زوجتي تدرس بنيوزلندا وانا اعمل وقبلها احاول اعمل معادلة للشهادة عشان اقدر اقدم على شغلانة محترمة واعمل في تخصصي بسرعة.

بس عشان يعطوكم تمديد سنتين لازم المتقدم يلاقي شغل في التخصص الي درس فيه في نيوزلندا مش اي شغل واضن انو حتى لو مالقاش شغل وانت كمرافق حصلت على عقد عمل يعني ممكن تعوض المتقدم الرئيسي وتجيب انت التمديد المطلوب باسمك يعني عملية عكسية

 

الميزة دي موجودة في نيوزلندا وكمان في كندا

بس كندا لشا مابحثتش كويس.. نشكلتي في المبلغ كبير.. عايز استشيركم يا اخ هل تخصص ال 7500 تبع معهد قالاكسي مطلوب في الشغل.

 

يعني تلاقي بيه زوجتي عمل مضمون ؟؟؟ لان تخصصي وتخصصها it كمان هو وخبرتي في شبكات كمبيوتر مالقيتش دراسة مستوى 7 اقل من 14000 دولار نيوزلندي.

 

هو لازم الدراسة طبعا تبقي في مجال البكالوريوس بتاعك و لا مش لازم ؟
انا مهندس مدني ؟ دي تنفع ؟

ليس شرطا

 

فيزا الدراسة بالنسبة للعرب سهله ولا صعبه مع العلم اننى حصلت على الموافقه المبدأيه من المعهد فى أوكلاند دراسة لغهe

سهلة جدا

 

هل يتوفر العمل بكثرة في نيوزلندا

اعرف واحدة سورية واهلها هناك ومعاها الجنسية مش سافرت وقالت مفيش وظايف هناك
هل الكلام دا صح
يعني حتى اللي معاه جنسية صعب يلاقي شغل ولا عشان وضعهم كسورين الامر صعب عليهم

الشغل مش كتيير . نيوزلندا كلها مهاجرين ولا يوجد عنصريه

 

هل يوجد برنامج هجرة تابع للحكومة النيوزيلاندية زي الي موجود في كندا او استراليا ؟

طبعا موجود

بكالوريوس تجاره المفروض يجيب كام فى امتحان الايلتس وجنرال ولا اكادميك؟

7777 اكاديمك استراليا وجينرال كندا ونيوزيلاندا

نظام النقاط الجديد يطلب ١٠٠ ولا ١٦٠ ؟ بنيوزلاندا وهل لازم شهادة الخبره تكون زي المؤهل ؟

160 نقطة

 

طيب شهادات الخبره من السعوديه وموثقه تفيدني بنقاط ولا لا

نعم تفيدك

 

ايه انواع الفيز اللي ممكن ندخل بيها الى نيوزلندا

فيزا دراسه او فيزا عمل او فيزا سياحه او عماله ماهره الى نيوزلندا

 

وبالنسبة لجنسية نيوزيلاندا بتاخدها بعد كام سنة تعيشها في نيوزيلاندا ؟؟

بعد 5 سنوات

 

لو قدمت فيزا دراسه اقدر استمر وعدل وضعي والحصول علي عمل

ليك سنة بعد الدراسة مسموح ليك تدور علي شغل

بالنسبة للهجرة الى نيوزلندا والاقامة

بتجدد كل قد ايه5 سنين زي استراليا ؟ 

اول سنتين بعد الدخول بتاخد فيزا اسمها فيزا مقيم بعد السنتين بتاخد فيزا مقيم دائم للأبد من غير تجديد

 

هل الدراسة بجامعة بنيوزلندا كلفة وكم تعطى اقامة 

مكلفة ده غير السكن والاكل اللي هما غاليين اصلا والدراسة تدي اقامة

 

 

مقالات قد تفيدك نرشحها لك 

منح دراسية فى كندا للدراسات العليا ممولة بالكامل

الدراسة في المانيا مجانا والحصول على عقد عمل

ارخص جامعات في امريكا 2018

الهجرة الى كندا عن طريق الدراسة والعمل

الحياة في امريكا للمهاجرين الجدد

3 أفكار بشأن “الدراسة في نيوزلندا مع عائلة”

  1. تنبيه Pingback: الدراسة في المانيا مجانا والحصول على عقد عمل بالمانيا - تجوال

  2. انا ماجستير هندسه مدنيه وعاوزه اي برنامج يديني اقامه مع عائلتي ومش معايا ايلتس بس معايا ورقه موثقه من الجامعه والخارجيه ان دراستي باللغه الانجليزيه ممكن يعوض الايلتس ولو ينفع اقدم واتعهد اني هدرس هناك ايلتس مش عارفه تنصحني بايه محتاجه مخرج

  3. تنبيه Pingback: الدراسة في امريكا سهلة القبول - تجوال

التعليقات مغلقة.