تكاليف الدراسة في السويد 2018

تكاليف الدراسة في السويد 2018

تكاليف الدراسة في السويد اسكندنافيا بصفة عامة الأسعار فيها أغلى من باقي أوربا لكن كذلك المرتبات أعلى بالنسبة تكاليف الدراسة في السويد 2018 في اي الجامعة على حسب البلد النرويج الدراسة فيها مجانا السويد الدراسة فيها برسوم ما عدا دراسة اللغة في كمان مدارس لغة خاصة أسعارها معقوله جدا و دراسة اللغة سواء في الجامعة أو في مدرسة خاصة ممكن الواحد ياخد عليها إقامة من وزارة الهجرة لو فترة طويلة أو تأشيرة من السفارة لو فترة قصيرة

 

شروط الدراسة في السويد

– تتاكد ان جامعتك مذكورة في القائمة , ثانيا لازم تجيب شهادة من الجامعه انك كانت دراستك فيها باللغة الإنجليزية

– رساله تحفيز , انت اللي بتعملها لنفسك بمعني انك بتقول ليه انك تستحق تاخد المنحة دي , رسالتين توصيه رساله من دكتور جامعي ورساله من مديرك في الشغل ابحث على النت وهتلاقي نماذج كتير شوف بيكتب فيها ايه او اترك تعليق وسنرد عليك بما يناسبك

– أطلب من الجامعة تستخرج الشهادة بالانجليزي من الاول و بالنسبة للترجمة انا ترجمت ورقة واحدة بس في مركز ترجمة

– خطاب التحفيز و خطابات التوصية بتكون بالانجليزي من الاول

 

اللغة السويدية سهلة ام صعبة

اللغة السويدية سهلة ام صعبة أقترح تاخد من وقتك ساعة و تجرب تشغل درس أو اثنين لغة سويدي في الأول و تشوف لو اللغة عجبتك اللغة السويدية تنتمي لعائلة اللغات الجيرمانك و هي ذات عائلة اللغة الألمانية و جزء لا بأس به منها خليط ألماني على انجليزي لكن قواعدها أسهل و اللغة بصفة عامة كما الدولة أصغر (أصغر من ألمانيا في عدد السكان و لكن أكبر في المساحة) و عدد كلماتها أقل

 

المعادلة السويدية في الطب

خطوات معادلة المعادلة السويدية في الطب البشري او الاسنان او الصيدلة بإختصار

أول خطوة هي خطوة تقييم شهادة البكالوروس و بالنسبة للناس اللي درسوا صيدلة في جامعة بلدكية بيجيلهم عادة تقييم إيجابي و ينقل على الخطوة التانيه هم بيركزوا على شيئين الأول ان الدراسة خمس سنوات و الثاني ان الجامعة تكون مدرجة في قايمة اليونسكو للجامعات المعتمدة في كل بلد و القايمة دي تقريبا كل الجامعات البلدكية فيها حتى الجامعات المغمورة

حضرتك بتبعت شهادة البكالورويس مع ابلكيشن طلب تقييم الشهادة و صورة جواز سفرك لهيئة منح التراخيص الطبية للأجانب في العاصمة ستوكهولم و اسمها Socialstyrelsen
و تنطق سوسيال ستيرلسن

بالمناسبة اللي هيبدأ يتعلم اللغة السويدية هيلاحظ أن في كلمات كبيرة وماتخليش دا يخضك الموضوع كله ان في اللغة السويدية لو في مضاف و مضاف إليه بيتكتبوا كلمة واحدة بدون فواصل يعني مثلا

student= دارس أو طالب علم
hus = بيت
studenthus = بيت الطالب
نرجع لخطوات المعادلة

الخطوة الثانية و الثالثة الترتيب فيهم لا يهم يعني ممكن تعمل أي واحدة قبل التانية المهم الاتنين يكونوا جاهزين قبل ما تصدر رخصة مزاولة المهنة

الخطوة الثانية هي دراسة اللغة السويدية و الخطوة الثالثة هي خطوة اجتياز اختبار المعادلة

اختبار تحديد مستوى في اللغة السويدية

تاني خطوة هي اجتياز اختبار تحديد مستوى في اللغة السويدية وهي لغة سهلة قواعدها محدودة و عدد كلماتها قليل جدا مقارنة بالانجليزي مثلا حتى و إن كانت تبدو غير ذلك للوهلة الأولي

كل الطلاب العرب اللي اعرفهم درسوا مجال من المجالات الطبية في بلدهم اتعلموا سويدي و وصلوا للمستوى المطلوب 
أنا شخصيا بدأت دراسة سويدي في بلدي على الانترنت و كملت في جامعة حكومية مجانية في السويد مع ان الجامعة كانت و لا زالت بتاخد الطلاب اللي ماعندهمش أي سابق معرفة باللغة أو بالكاد وصلوا لأول مستوى

 

تعلم اللغة السويدية في السويد

طريقة تانية هي انك تدرس في مدرسة خاصة اسمها folkuniversitet و دي تعلم اللغة السويدية في السويد لخريجين المهن الطبية حضورا في السويد أو أونلاين داخل أو خارج السويد المستوى عندهم بياخد من شهر لشهرين و ثمنه حوالي أربعة آلاف كرونة لما تسجل معاهم هيدوك شهادة قبول دراسي تاخد بيه تأشيرة من سفارة السويد في الزمالك مدتها هي نفس مدة الدراسة دا لو عايز تحضر معاهم في السويد

لو عايز تدرس أونلاين توفيرا للنفقات ممكن تدرس معاهم على الانترنت لحد مستوى B1 و المستوى الأخير اللي هو B2 لازم تمتحنه في السويد

 

 

الطريقة الاقل تكلفة للدراسة

و اللي تاخد بيها تصريح اقامة لمدة سنة هو انك تقدم في مدرسة حكومية مجانية اسمها folkhögskola و دي ليها حوالي 180 فرع منتشرين في أنحاء السويد بس دي شروطها أنك تكون وصلت للمستوى A2 و ده ممكن توصله يا إما في كورسين على الانترنت مع المدرسة الخاصة اللي قلنا عليها أو أنك تذاكر وحدك أو مع جروب و تدخل امتحانه على طول لأن المستوى ده أصلا مبتديء جدا و مش صعب توصل له

الخطوة الثالثة هي خطوة اختبار المعادلة السويدية و الاختبار لحد السنة اللي فاتت كان في مادة الفارماكولوجي فقط لا غير و من بداية السنة الحالية توسع منهج الامتحان النظري ليشمل ثلاث مواد أساسية هم الصيدلانيات و الصيدلة الحيوية و الكيمياء زاد عليه كمان امتحان عملي

الاختبار ممكن دخوله بحد اقصى 3 مرات في خلال 24 شهر من تاريخ أول مرة

 

اختبار المعادلة في السويد

يعتبر بمثابة عنق الزجاجة لأن هيتبقى بعده فترة تدريب عملي في الصيدلية لمدة 20 أسبوع و ده مافيهاش نجاح و سقوط يعني حتى لو المشرف في الصيدلية رأيه ان الطالب لسه مش جاهز انه ياخد الرخصة هيمد فترة التدريب شهر كمان مثلا و ده نادر لما بيحصل

أثناء فترة التدريب في السويد هيكون فيه اختبارين صغيرين واحد في مادة الفارماكوثيرابي و دي دراستها أنا وجدتها شيقة جدا و مفيدة للصيدلي و للطبيب و حتى لعامة الناس و الاختبار الثاني في مادة صيدلة المجتمع و دي تشبة مادة تشريعات و قوانين درست فيها قوانين مزاولة المهنة مثلا لما الروشتة الورقية مايكونش عليها تاريخ أو امضاء الطبيب أو رقم مزاولة مهنته

فلا يجوز صرفها و درست فيها كذلك قوانين كمية الدواء المسموح للمسافر جلبها للسويد سواء من دولة داخل الاتحاد أو خارجه عموما امتحان الفارماكوثيرابي و امتحان صيدلة المجتمع مافيهمش قلق

امتحان الصيدلة المجتمع في السويد ممكن تدخله 3 مرات و امتحان الفارماكوثيرابي ممكن تدخله 10 مرات

 

العمل كطبيب في السويد

العمل كطبيب في السويد او معادلة شهادة طب الاسنان في السويد بتاخد بيها أوتوماتيك حق مزاولة المهنة في النرويج و الدنمارك يعني بتفتحلك منطقة اسكندنافيا كلها يعني لما تيجي تدور على شغل بدل ما هتدور في سوق عمل واحد هتدور في ثلاثة

المنطقة كلها بتفهم اللغة السويدية لأن السويدي و النرويجي و الدنماركي يعتبروا  يتحدثون لغة واحدة يعني لو اتعلمت سويدي كأنك اتعلمت الثلاث لغات
قوانين الدراسة و الهجرة إلى السويد أسهل و الطلب على أصحاب المهن الطبية أكثر و ظروف العمل في اسكندنافيا بصفة عامة أفضل من كذا ناحية

 

 

احتياجات البلد لأطباء الأسنان و ازاى المعادله

عليهم طلب كبير المهن الطبية عموما محتاجينهم و ملاحظتي ان اكتر فئة مطلوبة هي التمريض عليهم طلب مهول سواء في النرويج أو في السويد

 

معادلة الشهادات الهندسية في السويد

بالنسبة للمهندسين مالهمش معادلة بيشتغلوا على طول عليهم طلب كبير وفرصهم في الحصول على عمل بتعلى دراماتيكيا لو عملوا ماستر في السويد تقريبا كل المهندسين البلدكيين و العرب اللي اتعرفت عليهم و كانوا بيدرسوا ماستر اشتغلوا بعد الماستر

الفرص في مجالات كتير غير الطب و الصيدلة لكن أنا بركز عليهم في المقال لأن معرفتي بالمجال ده أكبر من باقي المجالات شبة الجزيرة الاسكندنافية عدد سكانها الأصليين قليل و بيقلوا أكتر و محتاجين مهاجرين لكن متعلمين يعني حتى الاسيستانت اللي في الصيدلية بيكون درس ثانوي صيدلة و معاه رخصة مزاولة مهنة و له نقابة بتقرر الحد الأدنى للأجور

 

 

دراسة الدكتوراه في السويد

بالنسبة للدراسات العليا و دراسة الدكتوراه في السويد او دراسة الماستر في السويد القبول فيها يسير إلى حد ما لكن مكلفة لو من غير منحة التقديم بيكون على موقع universityadmissions

لو انت عملت ماستر في بلدك مثلا ممكن تقدم على دكتوراة مباشرة و دي بتكون مجانا بل بالعكس بتكون زي الوظيفة بالضبط يعني بتاخد عليها مرتب شهري و لو درست الدكتوراه 5 سنين متواصلة بتاخد تصريح إقامة مفتوح بس اكيد فرص القبول في الدكتوره بتكون أفضل للي عمل الماستر في السويد أو في دولة اسكندنافية

لو في النرويج دراسة الماستر بتكون مجانا لكن انا لا أعرف أي حد بيدرس ماستر هنا

فى كلينكال فارمسى و المعادلة نظامها ايه و التاشيرة

 

الكلينكال دا تخصص محترم جدا اللي بيعمل معادلة بياخد رخصة صيدلي و ممكن يقدم على الوظائف المتاحة للصيادلة اللي يدرس كورس كلينكال بعد المعادلة بيبق معاه رخصة صيدلي اكلينيكي و فرصة في العمل بتزيد لأن بيطلبوهم بالإسم و كورس الكلينيكال أكيد بيكون أسهل للي درسه في بلدك من الأول لكن عموما أظن لازم ياخده في السويد تاني

 

 

المدارس الثانوية في السويد

المدارس الثانوية في السويد بالنسبة للمدرسة المجانية folkhogskola مجانية ولا
ممكن تدرس لغة سويدية في سنة تمهيدي و دي بتكون مجانا و بعدها تدرس بكالوريوس لكن يستحسن درجاتك في ثانوي تكون عالية لأن القبول في السنة التمهيدي بيكون فيه منافسة

القبول في في المدارس بالسويد مجاني يعني بدون مصاريف دراسية

لكن هي مثل مدرسة خليط يعني فيها مواد فنية و فيها مواد صنايع و فيها كورسات التنزه في الهواء الطلق و فيها مواد السفر و الترحال دي المدرسة اللي بيدخلوها طلبة كتير في السنة الدراسية بين الثانوي و الجامعة و زي ما قلت بتتطلب مستوى اللغة السويدية A2 أو كورس اسمه SFI

 

أقرأ ايضا مقالات هامة نرشحها لك

منح دراسية فى كندا للدراسات العليا ممولة بالكامل 

الدراسة في امريكا سهلة القبول

الهجرة الى بريطانيا عن طريق الدراسة والعمل

الدراسة في المانيا مجانا والحصول على عقد عمل

متطلبات الفيزا الدراسية الامريكية

رأي واحد حول “تكاليف الدراسة في السويد 2018”

التعليقات مغلقة.