دراسة الطب في المانيا بكالوريوس

دراسة الطب في المانيا بكالوريوس

 

ملخص هذا المقال عن دراسة الطب في المانيا بكالوريوس  كل ذلك سيكون عن طريق اسئلة شائعة والرد عليها

 

 

المعدل المطلوب لدراسة الطب في المانيا

طب الاسنان أيه المعدل المطلوب لدراسة الطب في المانيا بعد أول سنه بمصر غيرألمانى level b2 حساب بنكى تقدير السنه الاولى جيد جدا حتى تكون فرصة القبول مضمونة

عشان فرص القبول تكون معقولة لازم المعدل المطلوب لدراسة الطب في المانيا ما يقلش عن 1,3 و يفضّل جدا مع المعدل ده تكون جايب درجات عالية في ال TestAS و هتحتاج في اللغة على الاقل شهادة DSH 2 (و يستحسن DSH 3)

و لو قدامك كمان فرصة تعمل Pflegepraktikum لمدة ٣ شهور في اي مستشفى هيكون كويس و لازم كمان الMotivationsschreiben بتاعك يكون تقيل و مميز

 

انا معدلي 954 % هل بحصل على قبول في الطب بسهولة

لو قدرت تجيب رقم زي ده تاني في سنة أولى جامعة او في السنة التحضيرية معدلك هيكون 1,3 و فرصك في القبول هتكون معقولة

 

قبول دراسة الطب في المانيا 

لو انا معدلي 13 ثانوية عامة + اولي طب فرصتي ايه في القبول

انا ابتديت لغة بس لسه في الأول لو علي شهر 12 خلصت b2 المفروض اعمل ايه وازاي اجيب أفادة بتاعة المحتوي العلمي من الكلية وبعد ما أخلص اللغة احتاج وقت أد أية علشان أخلص أجراءات القبول والسفر مع العلم اني الكلية عندي شغالة بنظام الموديول فهل ده شغالين بيه في ألمانيا

المعدل المطلوب في دراسة الطب في المانيا بكالوريوس

على حسب تقديرك في أولى بس لان المعدل بيتحسب من متوسط مجموع الثانوية و سنة أولى مع بعض لو معدلك بعد حسابهم مع بعض كان بردو 1,3 فقرصك هتكون معقولة و يفضّل جدا مع المعدل ده تكون جايب درجات عالية في لTestAS

و هتحتاج في اللغة على الاقل شهادة DSH 2 (و يستحسن DSH 3) و لو قدامك كمان فرصة تعمل Pflegepraktikum لمدة ٣ شهور في اي مستشفى هيكون كويس و لازم كمان الMotivationsschreiben بتاعك يكون تقيل و مميز

و مش هتحتاج من جامعتك غير بيان درجات للسنين الدراسية بتاعتك و بالنسبة للوقت فأنت هتكون مرتبط بفترة التقديم بتاعة الجامعة اللي هتقدم فيها و الجامعات في المانيا مبتشتغلش بنظام الموديول

 

جبت 963 فى ثانوية عامه وعايز ادرس فى المانيا تحضيريه وادخل طب ايه مدى الصعوبه اللى هتواجهنى بعد اذن حضرتك

انت هتحتاج تجيب في التحضيرية مجموع زي اللي جبته في الثانوية لكن انا مقدرش احددلك مدى صعوبة حاجة زي كده لاني مدخلتش سنة تحضيرية

90% ف الثانوية يعمل ايه عشان ياخد قبول أى حاجه ممكن يعملها

محتاج تجيب في حدود ٩٩٪‏ في السنة التحضيرية عشان معدلك يكون 1,3 و فرصك في القبول تكون معقولة

 

انا مستوى لغتي الالماني مستوى B2 ونتائج الثانوية ٨٣٪

شوف اي تخصصات غير التخصصات الطبية هتلاقي تخصصات تانية كتير تناسب مجموعك

 

هل السنة التحضيرية في المانيا صعبة

خلصت 3 سنين طب الاسنان في بلدى تقدير جيد و جيد جدا و تالتة لسه مطلعتش ثانوية عامة 973% لازم تحضيري ولا لأ و هل السنة التحضيرية في المانيا صعبة و لو لازم ازاي بعادل المواد اللي خدتها ف ال3 سنين دول ولا بعد التحضيري هضطر ابدأ من الاول

مش اجباري بالنسبالك تدخل سنة تحضيرية لكن يستحسن تدخلها لان نسبة قبولك بدونها تكاد تكون مستحيلة بسبب تقديرك في أولى جامعة و ممكن طبعا تعادل مواد من دراستك الطبية السابقة عن طريق الLandesprüfungsamt السنة التحضيرية في المانيا ليست صعبة

 

لو واخدة سنة فـي بلدي علاج طبيعي بتقدير كويس و عاوزة ادرس الطب البشري في المانيا هل احتاج تحضيرية

عشان تقدري تقدمي على طب بشري بدون سنة تحضيرية لازم تكوني مكملة على الاقل سنة جامعية ناجحة قي تخصص طبي في بلدك و انا معنديش فكرة اذا كانوا في المانيا هيعتبروا العلاج الطبيعي تخصص طبي ولا لا و عشان تتأكدي من حاجة زي كده ابعتي نسخ من ورقك بالايميل

للجامعات اللي عايزة تقدمي فيها او الUni-assist و اسأليهم في النقطة ديه

التدريب ده ممكن يكون في مصرpflegepraktikum علي هيئة log book بحضور عمليات في الجامعة

ال Pflegepraktikum ممكن تعمله في اي دولة و في اي مستشفى و في اي قسم بس المهم يتكتب في الشهادة بتاعته اسم المستشفى و القسم و المدة الزمنية

 

ايه ميزة اني ادرس طب في المانيا وأخد الرسك اني اضيع 3 سنين

الميزة ببساطة انك هتكون متخرج من المانيا مش من مصر و هتريح نفسك بعد التخرج من موضوع المعادلة و مش شرط ال٣ سنين كلهم يضيعوا لأنك تقدر تعادل بعض المواد اللي درستها عن طريق ال Landesprüfungsamt

 

 

تكاليف دراسة الطب في المانيا 2018

كم رسوم الجامعة لدراسة الطب لاني سمعت انها راح تتغير وراح تكون باهظة هاد السنة

بالنسبة تكاليف دراسة الطب في المانيا انا جامعتي مصاريفها ٩٤ يورو في الترم و باقي الجامعات مصاريفها ما بتزيدش عن ٣٠٠ يورو في الترم موضوع زيادة المصاريف ده اتطبق لحد دلوقتي في ولاية Baden-Württemberg 

 

اللي معاه بكالوريوس طب بشرى من مصر ومحتاج يكمل في ألمانيا

للتكملة يلزمك الوصول لمستوى سى 1 لغوى و مذاكرة اللغة الطبية لامتحان الجزء الاول للمعادلة الذى يمكن التقديم له فى احدى الولايات الالمانية بشهادة بى 2 عام و تصريح مزاولة من بلدك و بعدها بتشتغل بتصريح مؤقت لحين امتحان المعادلة الطبى و هو مشابه لامتحان البكالوريوس و لكن بالالمانى كله و بعده تحصل على الترخيص الدائم للمزاولة بالمانيا

 

سنة صيدلة تغني عن السنة التحضيرية

الطبيعي ايوة لان الصيدلة يعتبر تخصص طبي لكن فيه كلام حاليا بيتقال انهم غيروا الكلام و بقى لازم تكون دارس نفس التخصص فالافضل عشان تتأكد من حاجة زي كده انك تبعت نسخ من ورقك بالايميل للجامعات اللي عايز تقدم فيها او الUni-assist و تسالهم في النقطة ديه

 

لو مخلصه سنتين اسنان ورايحه تالته وتقديري ف السنتين امتياز ومجموع ثانوية عامة 955 مع العلم اني جامعة خاصة و الكلية ما خرجتش دفعات يعني مش معتمدة فهيبقي ايه وضعي ف القبول

لازم يكون موجود H+ جنب اسمع الجامعة في موقع Anabin عشان دراستك فيها تعوضك عن السنة التحضيرية

 

 

مدة دراسة الطب البشري في المانيا

-الدراسة 12 سيمستر مش كدا
-ايه المواد اللي بندرسها اول سنة
-الصعوبات اللي بتكون موجودة اول سنة هل فعلا بتبقي الدراسة شبيهة بفك الغاز
-وهل هتكون ساهلة لو الشخص دارس سنة تحضيرية
-هيكون في وقت للشغل ولا الدراسة هتاخد كل الوقت حتي لو في الاجازة والشغل هيبقي في مستشفيات

مدة دراسة الطب البشري في المانيا الدراسة ١٣ سمستر و مواد سنة أولى هي : 

Makro-Anatomie

Chemie

Biologie

Physik

Histologie

Mikro-Anatomie

Soziologie

Berufsfelderkundung

Terminologie

و الدراسة صعبة جدا فعلا في البداية لكن الأمور بتتحسن بمرور الوقت و رايي ان السنة التحضيرية كانت هتفيدني في الدراسة أكتر من سنة الجامعة بتاعت مصر و انا مكنش عندي وقت اشتغل في سنة أولى لكن انت لو عرفت تنظم وقتك أفضل مني ممكن تلاقي وقت و صعب تلاقي شغل ك Krankenpfleger في مستشفى قبل ال Physikum

 

امتحان ال TestAS

بالنسبة لامتحان ال Test AS هل حاليا مبيأثرش ف المعدل وبيفيد ف انو بس بيكون ليك الافضلية ف القبول لأن معاك test AS

على حسب الجامعة فيه جامعات بتطلب اجباري TestAS زي جامعة Aachen و جامعة Magdeburg و فيه جامعات بيزودوا معدلك على حسب درجاتك في الTestAS و بيحددوا الكلام ده بالضبط على الويبسايت بتاعهم زي جامعة Mainz و جامعة Hamburg لكن اغلب الجامعات بيستخدموا درجات الTestAS بس لما بيكونوا بيفاضلوا ما بين ناس جايبين نفس المعدل

 

اقرأ ايضا مقالات هامة نرشحها لك

تكاليف الدراسة في السويد 2018

الدراسة في المانيا 2018 والاقامة الدائمة

منح دراسية فى كندا للدراسات العليا ممولة بالكامل

الحياة في المانيا للطلاب وللعائلات

ارخص جامعات في امريكا 2018

 

 

 

8 رأي حول “دراسة الطب في المانيا بكالوريوس”

  1. لو سمحت يا أفندم أنا أبنى لسه بيدرس فى ثانوى، وحيخلص السنة القادمة ،
    أنا علمت أنه مطلوب له دراسة لغة ألمانية هنا فى معهد الى جانب فتح حساب بنكى فى ألمانيا بمبلغ حوالى 8 ألاف يورو …
    أرجو الأفادة عن المطلوب بدقة عن الأتى :
    1- ما هى الجامعات التى تكون فى حدود مقاربة مادية ( حيث أنه متاح شهريا حوالى 500 يورو له ) بخلاف المبلغ المتاح بالجساب المغلق
    2- ماهى درجة اللغة المطلوبة وماهو المعهد المتاح لها فى الأسكندرية
    3- هل حصوله على درجة أكثر من 95% فى الثانوية العامة يغنية عن حضور السنة المبدئية ؟
    4- أرجو النصيحة عن الميزانية المطلوبة لأفضل الحلول للكليات المقبولة لنا
    وأشكر لسيادتكم الرد

  2. انا جايب 90% في الثانوية في سوريا و رح ادرس طب اسنان جامعة خاصة سنة مع لغة الماني و اخد ال B1 و بدي روح قدم عالفيزا لالمانيا السؤال هو:اذا بروح بقدم عجامعة طب اسنان بالمانيا بيقبلوني ؟ طبعا مع الوراق اللي بتاثبت انو انا درست سنة طب اسنان في بلدي

  3. السلام عليكم
    اناطالبه حصلت على شهادة ال السنه الماضية 2017-2018 وايضا حصلت على شهادة الثانوية العامة السنه الحالية 2018- بقطر
    انا لم اقدم على اى كورس خاص باللغة الالمانية لانى كنت ارغب بالنزول والاستقرار بمصر.

    ولكنى اعدت التفكير وارغب بالسفر الى المانيا وتقديم على كلية الطب هناك

    السؤال ايهما افضل لى وفرص القبول اكبر الذهاب الى مصر والانتهاء من سنه اولى طب مع انتهاء من الكورسات اللغة الامانية المطلوبه للتقديم ام التقديم من قطر يكون افضل وهنا سيضيع سنه دراسية لاننى سوف اجهز فيها للكورسات اللغة الالمانية فقط
    هل حصولى على شهادةIG تكفى او بديل عن شهادة الilets او الAS فى حين انها ليست الشهاده التى سوف اقدم بها

  4. السلام عليكم
    اناطالبه حصلت على شهادة الIGCSE السنه الماضية 2017-2018 وايضا حصلت على شهادة الثانوية العامة السنه الحالية 2018- 2019 بقطر
    انا لم اقدم على اى كورس خاص باللغة الالمانية لانى كنت ارغب بالنزول والاستقرار بمصر.
    ولكنى اعدت التفكير وارغب بالسفر الى المانيا وتقديم على كلية الطب هناك
    السؤال ايهما افضل لى وفرص القبول اكبر الذهاب الى مصر والانتهاء من سنه اولى طب مع انتهاء من الكورسات اللغة الامانية المطلوبه للتقديم ام التقديم من قطر يكون افضل وهنا سيضيع سنه دراسية لاننى سوف اجهز فيها للكورسات اللغة الالمانية فقط
    ايضاهل حصولى على شهادةIG تكفى او بديل عن شهادة الilets او الAS فى حين انها ليست الشهاده التى سوف اقدم بها

التعليقات مغلقة.