دراسة الطب في المانيا 2018

دراسة الطب في المانيا 2018

 

دراسة الطب في المانيا لابد ان تتعلم اللغة الالمانية ويختلف حسب رغبة الشخص على التعلم انا مثلا افضل التعلم الذاتى فقمت بالتركيز على المصادر الموجودة بالانترنت لكن حينما وصلت لمستوى عالى ذاكرت اسبكته و ايركوندينجن و كتب الامتحانات لكن ما زال السماع علي اليوتيوب و الاخبار و موقع دويتشة فيلة و المسلسلات هم متعتى و معظم ممارستى للغة الالمانية هكذا استطعت دراسة الطب في المانيا

 

كل ذلك سيكون من خلال اسئلة شائعة وردود عليها

 

متطلبات دراسة الطب في المانيا

ما هي متطلبات دراسة طب الاسنان بالمانيا ؟ وهل سهل الحصول على مقعد؟

بشكل مختصر مطلوب منك معدل ميقلش عن 1,3 و يفضّل جدا مع المعدل ده تكون جايب درجات عالية في ال TestAS و هتحتاج في اللغة على الاقل شهادة DSH 2 (و يستحسن DSH 3) و لو قدامك كمان فرصة تعمل Praktikum في عيادة أسنان هيكون كويس و لازم كمان الMotivationsschreiben بتاعك يكون تقيل و مميز و فرص قبول الاسنان صعبة زي الطب البشري

اللي درس بكالريوس الطب البشري في مصر ثم ماستر في ألمانيا و اللي درس الإتنين في ألمانيا أنهو الأفضل ؟

مافيش ماستر طب فى المانيا الطب بيسجل دكتوراه على طول و بتبقى ابحاث و مبيشتغلش بيها هناك يعنى حاجة شرفية

فيما يخص عمل الامتياز فى المانيا اى مستشفيات اراسها وايه صيغة المراسلة وابدا اراسل من امتى انا فى سنة ساتة حاليا ولو فيه لينك لاى حاجة تساعد انا معايا b1

متاح طبعا بس لازم تعرف ايه الفايدة اللى حتعود عليك بالامتياز الالمانى لانه مش حيفرق حاجة فى المعادلة

انا داخل 5 طب و لسه باديء a1 انشاء الله هخلص مع سنة ستة لليفل المطلوب b1 wla b2 ??
المفروض لو عايز اسافر اكمل هناك بعد الكلية اعمل ايه !!
و لو ينفع اعادل دلوقتي 4 سنين و انا مستوايا قليل في اللغة و اكمل هناك !؟

مطلوب سى 1 للدراسة او العمل

مميزات نظام التعليم في المانيا

المانيا بلد اقرب للاشتراكية عالى الضرايب بس بالنسبة لى احسن من نموذج امريكا و الخليج الاستهلاكى الصرف طبعا لو انت حلمك الثروة المانيا ماتناسبكش بس كمستوى حياة رائع و طبعا لايقارن بعيشتك فى مصر المادية كطبيب اللى هى الاقل فى العالم على فكرة عكس الناس ما فاكرة

مدة دراسة طب الاسنان في المانيا

دراسة طب الاسنان باللغة الالمانية اقدر اجيب قبول ؟ واي جامعة تنصح ؟

مدة دراسة طب الاسنان في المانيا كام سنه بالظبط و كام سنة تحضيري ؟

السنة التحضيرية للطب في المانيا

السنة التحضيرية للطب في المانيا لازم بى 1 و مجموع 95 و تجيب زيه فى التحضيرى و تكون لغتك سى 1 عشان حتمتحن المواد بالالمانى او تاخد سنة فى مصر فى الكلية تجيب فيها فوق التسعين و تسافر بلغة سى 1 تدخل من غير تحضيرى

دراسة المختبرات الطبية في المانيا

دراسة المختبرات الطبية في المانيا وعايز اعمل ماستر بره في مجال التحاليل دا متاح ولا ايه الدنيا وهم معترفين اصلا بعلوم طبيه؟!

لا هناك قسم المعامل يا فنى خريج تعليم فنى متوسط خريج طب مافيش بينهم حاجة التكملة كفنى متاحة بس بتعمل حاجة اسمها اوسبيلدونج و ده تدريب و دراسة ثانوى فى نفس الوقت

ماجستير طب الاسنان في المانيا

انا حاصل على بكالريوس طب اسنان وارعب في ماجستير طب الاسنان في المانيا
ممكن اخد ماجستير من المانيا ؟؟ ابدأ ازاى ؟

ماجستير طب الاسنان في المانيا مالوش فايدة لانه بعيد عن مجالك انت ممكن تعمل معادلة و تحضر بعدها بورد و انت شغال هناك

امتحان معادلة الطب في المانيا

نسب النجاح في امتحان معادلة الطب في المانيا ايه يعني الموضوع صعب ولا مستحيل؟
وكمان سؤال اخر
لو طبيب بشري ومعاه زمالة بريطانيا طوارئ هل الزمالة تفرق في شئ في المانيا من حيث سهولة الشغل او تلغي عمل معادلة
والافضل له طريق المانيا ام بريطانيا

نسب النجاح في امتحان معادلة الطب في المانيا تقريبا فوق 60 بالمية و ليك تلات فرص فى الكنتنيسه و تقريبا لم ار احد استنفذ التلت فرص و سقط تلات مرات عادة اللى بيسقط مرة بيحضر كويس و ينجح تانى مرة اما الجزء الاول الخاص باللغة الطبية فالسقوط فيه مفتوح بس بتدفع فلوس الامتحان طبعا كل مرة بتاع 400 يورو غير انك ماينفعش تشتغل من غير الجزء الاول يعنى حتصرف كتير فالاحسن من اول مرة تنجح طبعا لازم سى 1

الزمالة البريطانية حتلغى الكنتنيسه فعلا بس مش حتلغى اللغة الطبية و لا البورد بس طبعا بتقلل سنين النيابة

معادلة الطب البيطري في المانيا

الطب البشرى مالوش ماستر فى المانيا والا دكتوراة
طب طب الاسنان له ماستر والا لاء ؟
و الطب البيطرى له ماستر والا لاء ؟

معادلة الطب البيطري في المانيا زى الطب البشري لازم معادلة و بعدها بورد التخصص البيطرى بس اللى مش عارف لهم بورد ولا لا و الدكتوراه متاحة لينا بس بيبقى بحث علمى مش طب و فقط شهادة شرفية لن تنفعك فى شغلك

 

منح لدراسة الطب في المانيا

هل يوجد مواقع بتقدم منح للاطباء هل دة صحيح

هو يقصد فرايبورج مش منحة ولا حاجة ده تمويل حكومى بتاخده و انت بتحضر المعادلة لو مش شغال و ده بيبقى من الحكومة و حسب البلدية اللى انت ساكن عندها هناك بس طبعا اكاديمية فرايبورج دعايتها ترتكز ان ده منحة مع انك ممكن تاخد التمويل لاى معهد او مدرسة لغة عادى عموما بسبب ازدياد اللاجئين السنة دى التمويل بقى صعب

شروط دراسة التمريض في المانيا

ما هى شروط دراسة التمريض في المانيا كليات التمريض ليها فرصه للدراسة والشغل ولا ايه

مافيش كليات تمريض فى المانيا التمريض تعليم فنى و ليه دراسات عليا فى مجالات معينة لكن عشان تشتغل لازم تعادل بتعليم فنى و تكمل النواقص و اللغة و تبدا ى ترخصى كممرضة

 

البورد الالماني في الطب

انا ساته طب وعندى فرصه فى نيابه جامعة بتثبيت فهل لو اخدت نيابتى هنا دا يعتبر خبرة ولا تضيع وقت وخلاص

حاجه كمان كنت قريت مرة ان فى ولايات في المانيا مش بتشترط امتحان لغه طبيه لو مستواك c1 هل دا صحيح
اخر نقطه هل لو عملت ماجستير مصرى اوبورد يعتبر تخصص ولا غير معترف بيه

التدريب فى نيابة الجامعة فى مصر معظمه افضل من المانيا و حيبقى خبره محترمة
البورد الالماني في الطب وامتحان اللغة الطبية اجبارى حتى لو معاكى سى 1 عام فى كل الولايات

انا اخصائي جلدية و باذن الله هسافر السعودية و ناوي في تلك الاثناء اذاكر الماني انا خلاني اتردد جدا اني فهمت ان فرص نيابات الجلدية قليلة خاصة اني كبير في السن قربت علي الاربعين
فهل احسن لي ادور علي حاجة تانية مع اني تقريبا استنفذت كل الحلول ولا بعد الاستخارة احاول في طريق المانيا

الجلدية متاحة بس صعبة انت خد الترخيص الاول البورد الالماني في الطب و لما تاخد نيابة انت و حظك فى اسوا الفروض خد حاجة تانية فيه حاجات كتير سهلة

استكمال دراسة الطب في المانيا

انا لسا مخلص ثانويه عام بنسبه ٩٦٤٨ ومعرفش حاجه في الالماني فينفع اقعد اول سنه هنا في مصر صيدله وادرس اللغة واروح بعد السنة دي على طب اسنان هناك ؟ وهل لو عملت كدة هيلغي السنة التحضيرية ؟ وايه احسن جامعات طب اسنان قريبة من ميونخ ؟

لازم نفس المجال اللي هتخشه هناك يكون نفس المجال اللي هتخشه هنا يعني هنا صيدلة يبقي هناك صيدلة
ولما بتقعد سنة هنا في نفس المجال اللي هتدخله هناك بيلغي السنة التحضيرية

 

أقرأ ايضا مقالات هامة نرشحها لك

منح دراسية فى كندا للدراسات العليا ممولة بالكامل

منح دراسية الي امريكا 2018

الهجرة الى ايطاليا عن طريق الدراسة

الهجرة الى بريطانيا عن طريق الدراسة والعمل

شروط الدراسة في فرنسا و جامعات فرنسا

رأيان حول “دراسة الطب في المانيا 2018”

التعليقات مغلقة.