شروط دراسة الهندسة في المانيا

شروط دراسة الهندسة في المانيا

شروط دراسة الهندسة في المانيا سنتعرف عليها في مقالنا من خلال تجربة لاحد المهندسين العرب خاض تجربة دراسة الهندسة في المانيا 

تجربة مهندس عربي في المانيا في دراسة الهندسة في المانيا

اليكم التجربة

هحكي ملخص تجربتي جايز حد يستفاد زي ما فيه ناس كتير ساعدتني و فادتني

خلصت ثانوية عامة (2015) بمجموع 908 و طبعا مالحقتش هندسة حكومية دخلت مكان خاص اشبه بالعزلة و من هنا ابتدي مشوار التفكير في حلم الدراسة في المانيا كان لسه مفيش الجروب ده بس عرفت بعض

عن طريق daad روحت هناك و استفسرت و عرفت ان اهم حاجه في المشوار هي اللغة الالمانية

ابتديت دراسة اللغة مع اول سنة في الجامعة و اهملت الجامعة تماما و كنت مركز في هدفي و لما ابتديت دراسة اللغة الالمانية تحتاج وقت اكتر اضطريت اني مادخلش الجامعة في (2016) و قررت اجازف

امتحانات معهد جوته b1

امتحانات معهد جوته b1 في شهر يناير (2016) و مانجحتش غير في Teil واحد بس

و رغم الاحباط قررت اني امتحن تاني في شهر مارس و نجحت في الامتحان كلة

امتحان B1 مش بيقيس مستوي لغه هو امتحان معتمد علي التحضير الكويس مش اكتر حضرت لل lesen و hören من كتاب الامتحانات neu و حليته حوالي 3 مرات مع حفظ الكلمات الصعبه و تظبيط الوقت ( الوقت اهم حاجه في الامتحان)

و بالنسبه sprechen, schreiben لو حفظتها كويس و حاولت تكتب المواضيع دي مش هتواجه اي مشاكل في schreiben

بالنسبه لل sprechen لازم تكون محضر حاجه تعرف بيها نفسك و تكون حافظها زي اسمك و تكون طويله و مرتبه و تعود نفسك علي تظبيط tone علشان اللي قدامك مايحسش انك جاي تسمع تعريف نفسك هيكسر الخوف و بيدي انطباع قوي قدام اللي بيمتحنوك

امتحان اللغه 70 % من المشوار فا اللي بيفكر يبدأ في الرحلة دي لازم اول حاجه يفكر فيها تكون اللغة

الجامعات الالمانية لدراسة الهندسة

مراسلة الجامعات الالمانية لدراسة الهندسة حاجه سهله جدا و ماتخليش اي حد يستغلك انا لجهلي للموضوع في الاول سالت ناس قالوا هيساعدوني لكن طلبوا ارقام غريبه “1000 يورو ” فا قررت اعتمد علي نفسي و ادور بنفسي و بمساعدة الناس اللي جلها قبول قبلي

 

القبول المشروط للدراسة في المانيا

القبول المشروط و للهندسة تحديدا مش صعب كل اللي انت محتاجه انك تخش تشوف الجامعه اللي انت عايزها و تدور علي الطلبات اللي محتاجنها و تبعتها و فيه طريقه اسهل انا كنت بعملها انك تشوف Email ليهم و تبتدي تشرح موقفك و تقولهم انك عايز قبول مشروط و هم بيردوا بسرعه جدا

الطلبات الاساسية في القبول المشروط للهندسة المانيا

1- ثانوية عامة
2- سنه في الجامعة
3- شهادة اللغه (و دي بتفرق من جامعه للتانيه)
4- ابليكشين الجامعه
5- سيره ذاتيه cv
6- احيانا motivation letter

تقدير اول سنه في الجامعه مش عائق علشان فيه ناس كتير بتخاف منه لاني كنت جايب مقبول اول سنه في الجامعه و مش مخلص مواد كمان لاننا بنظام الساعات فا متخليش حد يبعدك عن حلمك او يحبطك مهما كانت امكانياتك و ظروفك

جالي القبول المشروط بعد حوالي 5 شهور و دي مده كبيره جدا و ده مش الطبيعي بس كان فيه لغبطه كتير في العادي القبول بيجي بعد 68 اسابيع اهم حاجة تتابع مع الجامعه ورقك عن طريق الايميل

الحساب المغلق fintiba هو الاسرع و الافضل في نظري لان مفيش اي توثيق اوراق في السفارة و كل حاجه اون لاين و بيتفتح الحساب بعد 3 ايام تقريبا

رسالة تحفيزية للدراسة في المانيا

رسالة تحفيزية للدراسة في المانيا او ما يسمى بالخطاب التحفيزي مهم جدا جدا جدا للسفارة الالمانية و لمكتب الطلبة الاجانب اعرف التخصص اللي هتدرسة و الجامعة و دور كويس جدا في مجالك ترتيبه في الغالب بيكون كده

1- بتتكلم عن نفسك و انجازاتك و رحلتك للدراسه لالمانيا بدات ازاي

2- ليه المانيا ( بلاش كلام عام الكلام كله يكون اكاديمي موثق ب ارقام حسسهم انك طالب علم)

3- ليه التخصص اللي هتختاره ( بلاش علشان بحبه و شايف نفسي هبقي حاجه حاول تحكي كلامي واقعي يعني مثلا عايز اكون مهندس ميكانيكا علشان

ن و انا صغير بقرا كتب عن التصنيع و نزلت اتمرنت في ورش و هكذا)

4- ليه الجامعه دي و ده هتلاقيه بالتفصيل في صفحه كل جامعه

5- الخطه بعد الدراسة و حاول تقول مشكله في المانيا و عايز تكون جزء من حلها علشان يعرفوا انك فعلا متابع و بتدور

6- مصر هتفيدها ب ايه و فيه ناس بيقولوا مش مهم بس عن نفسي اتكلمت في النقطه دي

دي الحاجات الاساسيه! و شوف نماذج علي النت كتير و استفاد لكن ما تنقلش

 

مقابلة السفارة الالمانية

كانت يوم 23-5 و الرد كان 14-6 المقابله مش زي ما معظم الناس بتقول الموضوع ابسط من كده

اول ما دخلت اداني ورقه فيها اسالة باللغة الالمانية حليت اللي فهمتة و بعد كده سئل سؤالين بس بالالماني و سؤال عربي

Warum Deutschland?

Warum KraftfahrzeugTechnik? ده اسم التخصص بتاعي
ايه المواد اللي هتدرسها في الجامعة في المانيا

 

أقرأ ايضا مقالات هامة نرشحها لك

الدراسة في امريكا سهلة القبول

منح دراسية فى كندا للدراسات العليا ممولة بالكامل

الهجرة الى ايطاليا عن طريق الدراسة

الدراسة في نيوزلندا مع عائلة

الهجرة الى ايطاليا عن طريق الدراسة

 

 

4 رأي حول “شروط دراسة الهندسة في المانيا”

  1. انا محمد التوم ادم
    سوداني الجنيسيه ابحث عن فرصه للسفر لاروبا ولكني لا املك المال الكافي للسفر ، وكذلك اريد ان تمنح لي منحه دراسه اريد ان اتعلم اكثر ولكن ظروف المعيشه لديه صعبه للغايه الدراسه عندنا تتطلب مال كثير اني اعمل ولم اقدر علي سداد الرسوم الدراسيه لانها عاليه جدا واسرتي فقيره لا تملك المال لانفاقه علي تعليمي

التعليقات مغلقة.