شروط السنة التحضيرية في المانيا صعبة ام سهلة

  • بواسطة

شروط السنة التحضيرية في المانيا صعبة ام سهلة

ما هي السنة التحضيرية في المانيا

السنة التحضيرية في المانيا مثل اى سنة دراسية في ألمانيا وهى عبارة عن فصلين دراسيين و هي سنة الزامية لأغلب طلاب الدول العربية الحاصلين على شهادة الثانوية فقط و بعد انتهاء السنة التحضيرية يحق لهم انهم يقدموا في الجامعة لاستكمال مرحلة البكالوريوس

شروط السنة التحضيرية في المانيا
علي سبيل المثال بالنسبة الى شروط السنة التحضيرية في المانيا الثانوية المصرية لازم يكون مجموعك فوق ال 60% في الثانوية و لو اقل مينفعش تدرس في المانيا تحضيرية

و في بعض الدول العربية يكفى ان مجموعك يكون فوق ال 50 % الدول السعودية الاردن وبعض دول الخليج و في بعض الدول العربية لهم الحق ان لا يمرو بالسنة التحضيرية و يقدموا مباشرة على البكالوريوس

 

ماهي مواد السنه التحضيريه للطب للهندسة

المواد التى تدرسها في السنة التحضيرية تختلف ما بين التخصص للاخر و كل جامعة تكون معلنة ما هي المواد في هذا التخصص واللغة الالمانية شيء أساسي و ولا تدرسه ككورس لانك بتدرسها خلال السنة من ضمن المواد و اخر السنة تمتحن فيها.

مناهج السنة التحضيرية في المانيا

أنواع مناهج السنة التحضيرية في المانيا السنة التحضيرية منقسمة لاكثر من تخصص و على حسب انت عايز تدرس ايه بعد التحضيرية وهذه كافة المناهج الخاصة بالتخصصات

The university student colleges

S-course للحصول على درجات اللغة

دورة M للحصول على درجات طبية وبيولوجية وصيدلانية

دورة W للحصول على درجات علمية في الأعمال والاقتصاد والعلوم الاجتماعية

دورة T للحصول على درجات رياضية أو علمية أو تقنية

G-course للحصول على درجات علمية أو دراسات ألمانية

جامعة العلوم التطبيقية Studienkollegs 

دورة GD للحصول على درجات التصميم والفن

دورة TI للحصول على درجات تقنية وهندسية

دورة SW للحصول على درجات العلوم الاجتماعية

دورة WW للحصول على درجة الاقتصاد ودرجة رجال الأعمال

– الفرق بين الجامعة و الجامعة التطبيقية في السنة التحضيرية

مثلا لو عايز تدرس هندسة فهى ليها تحضيرية لازم تدخلها و لو عايز تدرس مجال طبى فلازم تدرس تحضيرية خاص للمجال دة و دة طبعا هيرجع لنوع الثانوية اللى معاك ..يعنى لو شهادتك أدبى فمينفعش تقدم على تحضيرية للهندسة

لو محتار و مش عارف تقرر هل التخصص اللى عايز تدرسه تبع اي تحضيرية قم بمراسلة الجامعة التى بها تخصصك .

الاوراق المطلوبة للتقديم على السنة التحضيرية

شهادة الثانوية ومعها شهادة اجادة اللغة الالمانية لمستوى B1 or B2 و هذا على حسب شروط الجامعة ومتطلباتها.

لابد عند التقدم على السنة التحضيرية ان تكون حاصل على شهادة الثانوية بمعنى انه لا يجوز لك التقديم وانت في مرحلة الدراسة الثانوية ولم تنتهى منها.

تكلفة رسوم السنة التحضيرية في المانيا

– رسوم السنة التحضيرية بالمانيا

السنة التحضيرية لها فصلين فصل شتوى و يبدأ في أكتوبر شهر 10 ” وفصل صيفث يبدأ في ابريل شهر 4 و السنة التحضيرية تكلفتها زى الجامعة العادية لو حكومية

و تكون رسومها من 100 400 يورو عدا ولاية بادن قررت ان المصاريف تكون يورو1500 للترم للطلاب الاجانب من الترم الشتوى 10/2017 و لا يوجد ولايات اخري قررت رسميا ما فعلته ولاية بادن.

 

امتحان قبول السنة التحضيرية في المانيا

– الامتحان النهائي للسنة التحضيرية
Feststellungsprüfung “FSP”
وهذا امتحان تمتحن به كل المواد التى قمت بدراستها خلال السنة وان رسبت به مرتين سيكون مشكلة بالنسبالك و يمكن ترحيلك

تقدير الثانوية و التحضيرية مهم ؟

اة التقدير للاتنين مهم لان بعد نهاية السنة التحضيرية بياخدوا المتوسط بين معدلك في الثانوية العامة والسنة التحضيرية وبيبقا دة المعدل النهائي يعنى معدلك في الثانوية العامة يؤثر بنسبة 50%
و فيه جامعات بتهتم بمجموع السنة التحضيرية اكتر من الثانوية

– اكتر سؤال بيتسأل الطب و الهندسة او اى مجال عموما له تقدير معين ؟

الطب و المجال الطبى عموما ويفضل اللى يقدم على اى مجال طبى يكون مجموعه في التسعينات في الثانوية و يجيب زيهم في التحضيرية لان المجال الطبي عموما اكتر مجال عليه ضغط هناك

 

الهندسة و اى مجال تانى في الغالب لاء لان مفيش عليها ضغط اوى بس بتختلف في الجامعات الكبيرة لان كل ما مجموعك كان عالى فبتقدر تقدم على جامعات اعلى و عليها ضغط و بيختاروا طبعا الأعلى

 

 طالب الثانوية البريطانية يدخل على anabin

و يختار البلد المانحة للشهادة (بريطانيا)

و هيقولك كل الspecial requirements لكل مجال

طلاب الدبلومة الامريكية السنة التحضيرية

ليس لديهم سنة تحضيرية في حالة واحدة بس

ان انت تكون محقق درجة معينة في السات 1 ” نيو او اولد ”

اما لو جايب درجات قليلة في السات فلازم تدرس تحضيرية

و في كلتا الحالتين لازم تقديرك في المدرسة اكتر من 3 

وتقدر تدخل على anabin

و تختار البلد المانحة للشهادة (امريكا) و هيقولك كل الspecial requirements لكل مجال

 

السنة التحضيرية في بالمانيا ادبي

لو كنت أدبى فى مصر و خلصت تجارة او اى كلية تانية و عايز تسافر تدرس هندسة  فليك الحق تدرس هندسة بما انك خلصت بكالوريوس فى مصر

– الطلاب اللى معاهم ثانوية مصرية و عايزة تسافر على بكالوريوس و تلغى السنة التحضيرية فلازم تاخد سنة ” خارج المانيا ” في الجامعة و تخلصها في نفس المجال او مجال قريب من اللى عايز تدرسه هناك في المانيا

و في بعض الدول العربية لازم تدرس سنتين جامعة عشان تلغى التحضيرية فحاول تشوف على موقع انبيان و هتلاقى اللينك في اول البوست فوق

والسنة دى يفضل تخلصها صافى و حتى لو شيلت مادة فحاول برضه تسأل الجامعة لان فيه جامعات بتوافق و جامعات بترفض

و التقدير فى السنة دى يعتبر زى التحضيرية بالظبط

يعنى هياخدوا المتوسط ل اول سنة جامعة + ثانوية

لو انت علمى رياضة مثلا و دخلت حقوق او تجارة و درست سنة فمينفعش تسافر تدرس هناك هندسة من غير ما تاخد سنة تحضيرية لان المجال اللى درسته غير المجال اللى عايز تدرسه

– طلاب المعهد الفنى الصناعى و المدارس الفنية الخمس سنين مالهمش تحضيرية

– كل الشهادات المعترف بيها فى المانيا هتلاقيها على موقع انبيان و الداااد يعنى لو صنايع او تجارة فحاول تدخل ع الموقع و تشوف شهادتك ايه نظامها

سنة تحضيرية بالانجليزي بالمانيا

– السنة التحضيرية بالألمانى اة والله بالألمانى و مفيش حاجة اسمها تحضيرية بالإنجليزى وممكن بعد ما تخلصها درس بكالوريوس بالانجليزى او بالألمانى عادى

 

اقرأ ايضا مقالات هامة 

شروط دراسة الهندسة في المانيا

دراسة الطب في المانيا بكالوريوس

تكاليف الدراسة في السويد 2018

الهجرة الى ايطاليا عن طريق الدراسة

الدراسة في امريكا سهلة القبول

1 أفكار بشأن “شروط السنة التحضيرية في المانيا صعبة ام سهلة”

  1. تنبيه Pingback: شروط استكمال دراسة الطب الاسنان البشري في تركيا - تجوال

التعليقات مغلقة.