ارخص طيران من امريكا للسعودية وزن الشنط في الطيران الداخلي

  • بواسطة

ارخص طيران من امريكا للسعودية وزن الشنط في الطيران الداخلي

سوف نناقش كل ما هو ارخص طيران من امريكا للسعودية الى الرياض او جدة او مصر وايضا سنتطرق الى مزايا الطيران الداخلي الامريكي وافضل شركات طيران في امريكا تسمح بالشنط والحقائب وايضا سنطرح افضل طيران من مصر الى امريكا ومزايا بعض شركات الطيران من حيث السعر وامكانية حمل الشنط الحقائب كل هذا عن طريق مقاشات حقيقية لمسافرين عرب في امريكا.

افضل طيران من السعودية الى لوس انجلوس

ايه افضل طيران للى هيسافر من الرياض الى لوس انجلوس كالفورنيا الطيران السعودى ام الطيران التركى

الأرخص التركيه ممتازه طبعا لو هى الأرخص اتوكلى على الله من أعلى طيران العالم حاليا سافرت عليه لاوكرانيا ومراتى جات من امريكا عليه وزى الفل

السعودي هيجي من غير ترانزيت التركي لازم تنزل اسطنبول ترانزيت ناس كتير بتقول الطيران السعودي ممتاز

الافضل الطيران التركي والاتحاد ارخص

بعد تجربة جميع شركات الطيران اللي بتطلع من الرياض افضلهم لوفتهانزا وبعدها القطريه ده لو بتدور ع رحلة مريحه إنما لو هدفك رحله رخيصه يبقي لا دي ولا دي.

انا استخدمت نفس الرحله من الرياض لوس انجلوس أفضل شركه طيران في رأي الالمانيه اللوفتهانزا وهي الأساس في كل سفراتي يأتي من بعدها الاتحاد او الإمارات او القطريه غير ذلك الجميع مثل بعض تقريبا

الوزن المسموح به على مصر للطيران السعودية القطرية التركية الامريكية

استفسار يا جماعة هو الشنطة الهاند باج اللي بنطلع بيها الطيارة بتتوزن ولا لأ ( مصر للطيران )

انا ركبت مصر للطيران ودلتا والسعودية والقطرية والتركية و اميريكان ايرلاينز وچيت بلو ويونايتد اير لاينز ولا مرة اتوزنت اقصى حاجة حصلت معايا وكانت مرة واحدة بس كانت انهم خلوني احط شنطتي في فراغ كده ولما دخلت في الفراغ مكانتش اكبر منه طلعوها الطيارة من غير ما تتوزن

الرسمى انها تتوزن ولكن الواقع اننا ما بنوريهاش واحنا بن check in وفى الgate ماحدش بيسأل

فيه فرق ما بين الهتند باج والكارى أون carry on الكارى أون 8 كيلو الهاند باج المفروض مالهاش وزن معين بس ماتكونش ملفته فعلا علشان ما يرخموش لأن المفروض انت ليك على الطياره واحده كارى أون وأى حاجه personal item ممكن تكون هاند باج شنطة لاب توب أدوات رياضه بس يكون شكلها مقبول( مش مضارب جولف مثلا)

يمكن فى domestic بيبقوا أرحم شويه من ال international بس حتى ال domestic على american airlines مش طيبين كده ده أنا ابنى قبل كده على أميركان ايرلاينز من سان فرانسيسكو لنيويورك اضطر يرمى حاجات انت وحظك

ايه احسن موقع اقدر احجز طيران عليه وايه افضل شركة
من امريكا لمصر
من نيويورك بس عايزة اسيب الرجوع مفتوح

انت ممكن تقبلي بالترنزيت رحله 24 من كيندي للقاهرة والرجوع بعد سنه يعني لو هتسافر اول ديسمبر ترجعي اخر اكتوبر وطيران اوربي

في عرض كويس جدا من الايطاليه 760 $ من اول ديسمبر لحد اخر اكتوبر اللي جاي وبشنطتين وكاري كمان وده مناسب وتعديل الحجز هيكون ما يوازي 108 $ وقبل ما تحجزي وتدفعي اسألي الشركه نفسها

الوزن المسموح به في الطيران الداخلي الامريكي

محتاجه خبراتكم فى الطيران الداخلى افضل خط طيران هو ايه من حيث الوزن اهم حاجه والفلوس اللى ممكن ادفعها لكل شنطه لان معايا 3 شنط من لاس فيجاس لسان فرانسيسكو

Southwest بتديكي شنتطين فري هي دي تقريبا الشركة الوحيدة اللي هتسمحلك بشنطتين

افضل اسعار تذاكر الطيران من مصر الى سان فرانسيسكو

لو سمحتو عاوز أحجز طيران من القاهرة الى سان فرانسسكو فى اى يوم فى شهر 5 أيه هو أفضل طيران وأرخصهم

كل ما الحجز قبل ميعاد السفر بشهر كل ما الأسعار أرخص يعنى مش نحجز والسفر كمان اسبوع هتلاقى الأسعار غاليه يعنى مسافر أبريل ابدا احجز اول مارس الأسعار بتعلى كل ماكان وقت الحجز قريب

لكن بالنسبه للطيران المريح والشركات عن تجربه طيران klm و Lufthansa

أفضل طيران Lufthansa و Klm و Air france بس التذاكر بتاعتهم غاليه مش رخيصة , ارخص طيران و ممتاز جدا هو Turkish Airlines

ماذا تفعل في عدد ساعات السفر من مصر الى امريكا

عايز اعرف تجاربكم فى 12 ساعه طيران بتتسلو ازاى , لو الواحد بينام بصعوبه اخود منوم ولا لا

حسب الطيارة وع حسب حظك ممكن الكراسي اللي جنبك تكون فاضية وممكن يكون جنبك ناس
انا رحلتي كانت من مصر لأبو ظبي ومن ابو ظبي للوس انجلوس

الطيارة الاولى فضلت فيها 4 ساعات مستمتع بالكرسي بتاعي والكرسي اللي جنبي وماحستش بالوقت

الطيارة التانية فضلت فيها 16 ساعة متواصلين ولا عارف انام ومليت من نفس القاعدة ع الكرسي بس كنت بحاول اسلي نفسي واتفرج ع افلام او افتح الكاميرا بتاعت الطيارة بس حسيت بيهم كأنهم يومين فأنت افضل حل حاول تنام بأي شكل

خمس رحلات ما بنام إطلاقا طوال ل15ساعه اخر رحلة شربت ٣حبات منوم هم فيتامين بعمل عمل المنوم ومش ضار فنمت ٤ساعات ووصلت بخير وامان خلاف الرحلات السابقة

ممكن تلعب ع التليفون ممكن تتفرج ع افلام او تسمع اغانى ع الموبيل اتصاحب على ال جنبك وافتح موضيع اكتر حاجه هضيع وقتك ورحله سعيده

حاول تصحا قبلها يومين هتلاقى نفسك من التفتيش الكتير قبل الطيارة هتتعب وترهق اول ما تدخل الطيارة هتنام ال 12 ساعه تمام اوى

المشكله ان الاغانى والافلام ال ف الطيارة قديمه اوووى اوى وقعده ملل 12 ساعه لازم تتطبق قبلها يومين متنامش عشان تعرف تنام ف الطيارة ومتحسش بالوقت

 

كيفية الاستمتاع برحلات الطيران الطويلة

و انت حا تنام ليه هى رحلة جميلة و ممتعة جداً جداً و بالنسبالك ذكرى و كمان انت بتتسلى فيها ياريت تكون على طيارة خليجية زى الاتحاد او حتي تجى على طيارة Boing 787 Dream Liner طيارة كبيرة اوى و تآكل على مدار الرحلة و تتسلى بالفيديوهات و تشرب عصائر

و كمان لو جاى على الاماراتية حا تجى على طيارة Airbus A380 800 واااو طيارة ضخمة جداً بتشيل 620 راكب دى متعة المتعة حا ترقص و تغنى و انت فى الجو

و بعدين السماء مختلفة خالص بعد الطيارة تطلع من افريقيا اجواء خرافية و الله سحب و حاجة كده جميلة و الله و الطيارة بتعدى كل أوروبا و انت بتعدى بلجيكا و ألمانيا و لندن و بعد كده تخش على المحيط اجواء خرااااافية بمعنى الكلمة شخصياً انا بستمتع اوى و ما بنامش جرًب كده و قولى

المسافه بين واشنطن وفلوريدا والت ديزني فلوريدا اورلاندو

ازاي الواحد يروح من واشنطن دي سي الى فلوريدا تحديدا لزيارة والت ديزني بالقطر افضل والا طيران أيهما اوفر واي مدينة افضل للإقامة في فندق فيها ممكن اللي راح يقول تجربته او ايه افضل مكان نروح اجازة فيه أسبوع غير فلوريدا حد عنده اقتراحات

بالعربيه في حدود ١٢ ساعه بس متعة عربية حلوة وصحبة حلوة وحتتبسطي جداا

طيران هيبقي ارخص واريح انما لو عاوزة تتفرجي علي امريكا فعلا يبقي القطر وبلاش فنادق شوفي Airbnb

 

دي ابليكيشن لو عندك شقة أو اوضه فاضية في شقة بتعرضها للايجار بالليلة زي الفنادق الميزة فيها انها :-

١ ارخص من الفنادق غالبا في نفس المنطقة ( قعدت ٣ ايام في أوضة في هيوستن كلفوني ١١٠ دولار في حين لو الفندق كان هيكلف ٣٠٠ دولار واكتر ) ممكن كمان تتاجري شقة كاملة لو انتوا عيلة

٢ كل الخدمات فيها

غسيل ومطبخ كامل لأنها شقة مش فندق

٣ التقييمات مهمة جدا لصاحب الشقة أو الاوضة علشان كده هيهتم بكل التفاصيل والخدمة لان تقييمك الإيجابي هيجيبله زبائن بعد كده

٤ لو حصل اي مشكلة أو لو المكان مكانش مطابق للصور اللي في الابليكيشن بتشتكي للموقع وهم بييحلوها أو يرجعولك فلوسك

نزلي التطبيق واكتبي اسم المدينة اللي عاوزة تقعدي فيها أو ال zip code

وعدد الأفراد وعاوز شقة ولا أوضة ودوري وشوفي الصور واقري تقييمات المستاجرين اللي قبلك واحجزي

فيه في فلوريدا منتجعات سياحيه كتير بس طبعا انا شايفه روحي ديزني دي عايزالها يومين علي الاقل وsea world ودي يوم او اتنين وال universal studios ده يوم كده يبقي اسبوع تحفة

 

المسافه بين واشنطن وفلوريدا بالسيارة

بصي هو الاسبوع يدوب يكفي ديزني اما بقي حوار تروحي ازاي ف لو معاكي سيارة و عاوزة تعملي road trip ف دي متعه بس السفر بيهد الحيل و مش هتقدري تستمتعي بديزني اوي ف بنصح بالطيران و تشوفي فندق رخيص قريب من ديزني سبرينجس هو بعيد عن ديزني شويه بس فيه أتوبيسات شغالة بتودي ديزني يبقي كدة وفرتي مواصلات و ركنه لان الركنه هناك الساعه بتوصل ل 20 دولار في البارك

الطيران افضل شىء للسفر الداخلى في امريكا طبعا الفنادق في امريكا هنا معظمها بتوفر توصيل لبارك

ديذنى فلوريدا غالية جدا لو اربع افراد لمدة ٤ ايام كل يوم فى بارك مختلف حتبقى حوالى ١٠٠٠ تذاكر بس للدخول الطيران من DC حوالى ٢٠٠ دولار للفرد

بالسياره والطريق من واشنطن الي فلوريدا اورلاندو رائع وممكن ترتاحوافي الطريق وتشوفوا مدن حلوه افضل في التنقلات road trip اما بالنسبه للاقامه فا ايضا انا افضل موقع Airbnb هتاخدوا شقه رائعه وبسعر كويس ويادوبك اسبوع واتمني لكم رحله سعيده

 

ما اسهل طيران لامريكا دون ترانزيت؟

من فضلكوا أحسن طيران ترانزيت لأمريكا وميكنش فيه تضييق من الامريجشن

لوفتهانزا كان كويس ومكنش في تضيق خالص

Air France ممتاز وخدمة راقية وأسعار معقولة جداً

أنا عملت ترانزيت في ألمانيا وقبل كده في فرنسا من ٨ شهور ومكنش معايا فيزا ترانزيت طالما مش هتخرج من المطار

اطلع طيران ابو ظبى ولو لاقيت قطر يكون افضل واحسن جدا جدا لكن إجراءات الهجرة واحدة وبتتم عن طريق ظباط من إدارة الهجرة الامريكيه ليس الدوله المستضيفه ومش مفروض يكون فى تضييق انا مسمعتش عن حاجه زى دى قبل كدة وأى شكوى بتتقدم بحاجه زى كدة بيتم التصرف معاها بشكل قاطع

طيران الاتحاد كويس خاصه ان كل إجراءات الجوازات الاميركيه بتحصل في مطار ابو ظبي نفسه

الطيران الاوروبي بصفة عامة لوفتهانزا الفرنسية البريطانية بلاش الايطالية علشان معفنة وممكن تتابع التخفيضات اللي بتنزل على اسعار التذاكر هاتلاقيها قريبة جدا من الطيران المحلي

ما ارخص تذكرة طيران من مصر الى بوسطن؟

دلوقتى انا لو عايزه احجز طيران من مصر الى بوسطن ويكون الترانزيت في هولندا بيكون تابع اي شركه
لان الاول كنت بحجز عن طريق KLM & NWA وبروح هولندا دلوقتى بلاقى الترانزيت في مطارات فرنسا و الطيارات تابعه لفرنسا ودلتا الامريكية فمش عارفه احجز طيران على هولندا تابع اي شركة

فية حجز طيران على الهولندية ترانزيت امستردام بس مش كل الوجهات

لا يوجد اي طيران من مصر الى امستردام الا علي مصر للطيران , وده معناه ان مش هينفعي تحجزي طيارتين ترانزيت امستردام لكن عشان اير فرانس بتيجي مصر.

من الممكن تحجزي طيران الى امريكا ترانزيت باريس علي اير فرانس , ودلتا اللي هي متوافقة معاها

انا سافرت ترانزيت شارل ديجول , و المطار جميل جدا بس كبير فعلا , وياريت يكون فيه ويل تشيير , هتريحها جدا

شوفي اوبشن طيران عربي الأول أفضل بصراحه وعندك طيران الاماراتية عاملة خصومات جامدة جدا الايام دي ثانيا الفرنسيه وklm واحد لما تحجزي التذكرة كلها بتطلع برقم واحد متقلقيش لأنها اتفاقيات بين الطيران زي مثلا مصر للطيران والجيت بلو في اتفاقيه بينهم

ثانيا لو والدتك كبيره في السن اطلبي الويل تشير يكون من أول المطار لحد باب الطياره ولحد ما توصل هناك بوسطن بصراحه اخيرا برشحلك الطيران العربي اماراتيه اتحاد قطريه لو كانت لسه موجوده تركيه لوفتهانزا

 

أقرأ مقالات هامة

حجز طيران رخيص جدا تذاكر طيران مخفضة جدا

الحياة في كندا للمهاجرين مقارنة الحياة في امريكا

اختبار القيادة العملي في امريكا اختبار اشارات المرور في امريكا

افضل ولايات امريكا للعائلات والمهاجرين الجدد