الكوميونتي كولج امريكا ارخص جامعات في امريكا 2018 2019

  • بواسطة

الكوميونتي كولج امريكا ارخص جامعات في امريكا  2019

التقديم للكليات المحلية او ما يسمي بال Community college وعشان نشرح الموضوع ده هنعمل اسئلة واجوبة :

1- ماهي Community college ؟

عبارة عن كليات سنتين وتتميز الكليات ديه بسهولة الالتحاق بها ومصاريفها المخفضة مقارنة بالجامعات الكبري وايضا يتوفر كورسات محترفه غير اكاديمية تساعدك في البدأ في مهنه حرفيه

2- ما هي الدرجات العلمية التي تقدمها Community College ؟

– Associate Degree وهو عبارة عن ٦٠ ساعة معتمدة

– Associate Degree with extended education option. وديه بتبقي عبارة انك بتاخد سنتين في كومينت كولدج عشان توفر علي نفسك الدراسة في الجامعة الكبيرة وتكمل اخير سنتين في جامعة عادية وتاخد درجة البكالوريوس

– Professional certificates وده بيبقي كورس غير اكاديمي وبيديك اللي انت محتاجه عشان تبتدي في مجال معين

– Courses for Credit hours وديه بتبقي انك بتاخد الكورسات اللي ناقصك عشان تحسن من GPA بتاعك او تكمل ساعات معتمدة نقصاك عشان تعادل شهادتك

– Language courses كورسات لغة مخفضة جدا .

3- ما هي الاشترطات المتطلبة للالتحاق بالنوع ده من الكليات ؟

– الحصول علي ثانويه عامة بالنظام الامريكي SAT او امتحان GED ا

– الحصول علي درجة البكالوريوس وتكون دراستك كانت بالانجيليزي وديه للناس اللي سنها كبير وبتختلف من جامعة للتانية وفي الغالب بيخلوك تمتحن حاجة اسمها Placement Test عشان يتأكدوا انك كويس في الانجيليزي والرياضيات

4- ما هي الخطوات للالتحاق بال Community College ؟

– تروح تدفع حوالي ٢٥ دولار وتملي الابلكيشن وتحدد البرنامج اللي انت عايزه

– وبعد كده تحضر اللقاء التعريفي وده هيعرفك كل التفاصيل وازاي تدفع المصاريف وايه انواع المنح اللي ممكن تقدم عليها وايه البرامج المختلفة اللي الكلية بتقدمها

– بعد كده ممكن تقعد ما خبير تعليمي وده ممكن تسأله عن ايه الفايده من الكورسات ديه وتتناقش معاه في البلان بتاعك عن الاستفاده من الكورسات ديه وازاي تفيدك في سوق العمل وتسأل علي اي شئ يجي في بالك

– بعد كده او ما تستقر علي البرنامج تبتدي تجيب ورقك اللي انت ذكرته في الابليكشن زي شهادة الجامعية اللي من بلدك المعتمدة او شهادة الثانوية العامة بالنظام الامريكي وبناء علي ذلك هيتم اتخاذ قرار اذا انت مستوفي الشروط ومقبول ولا هتحتاج تاخد Placement Test او تاخد كورسات تحضيرية انجليزي ورياضيات قبل ما تلتحق باحدي البرامج

– بعد كده هتدفع المصاريف وتروح تحدد الفصول اللي هتاخده في او سيمستر او فصل دراسي وطبعا مش لازم تاخدهم كلهم مرة واحدة وقسمهم زي ما انت عايز

5- ما هي تكلفة الساعة المعتمدة في Community College ؟

– تكلفة الساعة المعتمدة بتتقسم ٣ انواع وهي تكلفة لساكني الولاية وديه ارخصهم وديه احيانا بتطلب انك تكون عايش في نفس الولاية لمدة لاتقل عن سنة وديه بتبقي حوالي ٩٠ دولار

– تكلفة الساعة المعتمدة للطالب اللي خارج الولاية وديه بتبقي حوالي ١٥٠ دولار

– تكلفة الساعة المعتمدة للطالب الدولي حوالي ٣٦٠ دولار

– المصاريف الاخري غير Tuition بتبقي Fees والكتب والادوات وديه تقديرها بيبقي حوالي ٦٠٠ دولار لكل ١٢ ساعة معتمدة

6- ازاي اوفر المصاريف ديه ؟

– المنح او ما يسمي Scholarship وديه بتقدمها جهات كثير جدا بما فيهم الجامعة والحكومة الفيدرالية وديه هتلاقي تفاصيل عنها في اللقاء التعريفي

– انك تاخد قرض تعليمي او ما يعرف ب Loan وديه بتوفرها الحكومة الفيدرالية

– انك تشتغل وتغطي مصاريفك وانت كطالب مسموحلك تشتغل ٣٠ ساعة في الاسبوع وفيه وظايف كثير جدا جوه الحرم الجامعي متوفره للطالبه بس

 

أقرأ مقالات هامة

شروط الدراسة في ايرلندا تكاليف الدراسة في ايرلندا 2018 2019

تكاليف الدراسة في الدنمارك التعليم العالي في الدنمارك 2018 2019

تكاليف شروط الدراسة في امريكا بكالوريوس ماجستير 2018

تكاليف الدراسة في استراليا بكالوريوس ماجستير دكتوراه 2019