الاماكن السياحية في لندن واسعارها المواصلات في لندن

الاماكن السياحية في لندن واسعارها المواصلات في لندن

السكن افضل هوستل في لندن اسكتلندا ويلز

نقدم في هذا المقال شرح شامل عن افضل واجمل الاماكن السياحية في لندن واسعارها والمواصلات في لندن وما هي افضل وسيلة تنقل في لندن وايضا اسعار الباصات في بريطانيا (ويلز اسكتلندا) وايضا بطاقة اويستر لندن للعائلة فهنا العديد من الآراء لمسافرين الى لندن واسكتلندا وويلز.

 مسافر لندن آخر شهر فبراير لمدة 12 يوم تقريباً احتاج السكن في لندن أسكن في مكان يكون أمان وسعره مش مرتفع وأسهل طريقة وأكثرها توفير بالنسبة للمواصلات داخل لندن وأفضل الأماكن اللي مفروض أزورها في لندن وايه رأيكم أزور ويلز واستكلندا ولا هتبقى مكلفة أوي؟

أفضل مكان ممكن تسكن فيه هو هوستل فى محطه Elephant & Castel و اسم الهوستل Rest Up

اما بالنسبه للمواصلات اول ما تنزل من الطياره هتلاقى أماكن بتشترى منها كارت اسمه اويستل ده بتاع الباص و الاندر جراوند و بيتشحن و لو عاوز وانت ماشى تاخد الفلوس الى باقيه تمام

فى برنامج اسمه Visit City ده بتختار البلد و هو بيجبلك الأماكن الى امفروض تزورها

التسوق في بريطانيا

خالي بالك elephant and castle فيها ناحية مش كويسة انا اقترحلك تشوف هوستيل في Stratford قريبة من السنتر و كل حاجة و عشان تريح نفسك من شحن الايستر كل شوية انتا ممكن تشحنو 2 اسبوع و تركب الي انتا عايز و و طبعا في application city map per ده عشان يقولك تروح ازاي منين ليفين بالمواعيد و الأماكن Westminster, London bridge, Greenwich, campden town , Oxford circus, pica dilly, national museum ,science museum

 

Airbnb هوه احسن حاجه هتلاقى أماكن فى وسط البلد هتوفر عليك وقت وفلوس

 

في هوستل جنب honallad park رخيص ومش هتحتاج مواصلات للمزازات

 

افضل وسيلة تنقل في لندن تطبيق مترو لندن

لازم تنزل visit London application هو افضل وسيلة تنقل في لندن تطبيق مترو لندن تحفة ليعرفك ايه اللي ممكن تزوره و كمان موقعه بالظبط.

انا اخر مرة نزلت في فندق Ibis Wembley مقابل الاستاد مباشرة و جنبه محطة مترو و أتوبيس و قطر كمان، هو بعيد عن وسط البلد كتير بس علشان كنت عايز أعيش حياة ال Locals، المنطقة مليانة اكل حلال و أسواق هي منطقة سكنية مش سياحية.

لازم تجرب مطعم ناندوز و اسأل عن الاكل الحلال فيه جنب الفندق علطول حتلاقي London designers outlet اللبس تحفة و رخيص و ماركات كتير.

 

بطاقة اويستر العائليه

المواصلات انا كنت باستخدم كارت Oyster visitor اشترتيه من المطار و شغال في كل حاجة قطر أو اتوبيس أو مترو طبعا خرائط جوجل لا غني عنها و تختار وجهتك و تحدد وسيلة المواصلات العامة ممكن تشتري خط موبايل من هناك عليه باقة إنترنت اوفر طبعا

كارت اسمه oyster اشتريه فى المطار و اشحنه لل ١٢ يوم ده يغطيلك كل مواصلاتك لندن متقسمة zones Royal national hotel و كام فندق حوااليه يعتبروا ارخص حاجة للسكن فى Zone 1 ممكن برده تدور على hostels  ال shopping فيه Primark اسعاره تحفة بس quality متوسطة و فيه direct sport اسعاره كويسة و فى Argos بيبقي عنده حاجات حلوة ال map اللى فى المطار تكفى انك تعرف تروح كل حتة ازاى محدش بيتوه فى لندن.

Google maps هناك إيدك و رجلك و إنت في لندن بيجيبلك كل طرق المواصلات من النقطة اللي إنت منها للمكان اللي إنت رايحه بمختلف الطرق سواء عن طريق أندرجروند أو باص أو كده أول ما هتنزل هتجيب الأويستر كارد اللي الشباب قالولك عليه ده و إشحنه و إشتغل بيه و إفضل تابعه و كل لما يخلص إشحنه تاني أوفرلك.

متهيألي من إنك تعمل باقات أسبوعية و كده أول لما توصل برضه هات خط من هناك بيديك ٧ جيجا نت و مكالمات و كده فادني جدا و أنا هناك لأنك ساعات بتتزنق إنك لازم تدور على مكان حاجة معينه و مكانش غالي كان في حدود ١٠ إسترليني بس مفيد أو ممكن تنزل خريطة أوفلاين من جوجل مابس و تستخدمها من غير نت

كارت اسمه oyster card

المواصلات غاليه هناك فيه كارت اسمه oyster card ده تستخدمه فى المترو والباص وده بتشحن زى الموبايل لو انتو مجموعه ورايحين اى مكان احجزو جروب تكت اوفر كتير بالنسبه لأماكن الاقامة خليك قريب من Waterloo or Paddington دول محطتين رئيسيتين فى لندن بالنسبه للفسح كتير.

Oxford Street, travglar square, London eye, London zoo, Hyde Park, London Bridge, London aquarium, London museum, Kingston palace, imply stadium, a lot of places

 

سعر افضل فنادق لندن هايد بارك

شوف هتقعد اد ايه و علي الأساس ده حدد تقعد في فنادق و لا فين، و بالنسبه لإسكتلندا و ويلز أرخص مواصلات هتلاقي باص اسمه mega bus ممكن ب ١٥ باوند تروح إسكتلندا بس مشوار ١٠ ساعات من لندن و فيه national express بس ده أغلي شويه و برضه نفس الوقت فيه القطر ممكن خمس ست ساعات بس هيعدي ال ١٠٠ باوند ، إسكتلندا جميله زور ادنبرة و جلاسجو هتنبسط

تنزل مطار هيثرو ابعد عن التاكسي لانه غالي جداً جداً تقريبا من المطار الي وسط البلد Paddington 120الي 150 باوند يعني بلمصري تقريباً 3200 جنيه مصري وانزل بفندق قريب من محطة القطار واسم المحطة Paddington station يعني من المطار الي وسط البلد اركب قطار اسمه Heathrow Express اوفر لك اعمل التذكرة ذهاب وعودة وهي مدتها شهر.

افضل فنادق في قلب لندن

فندق بارك بلازا – وستمنستر بريدج لندن

تقييمه من 15 الف من الزائرين انه فندق رائع الخدمات الموقع ممتاز امام مبني البرلمان وساعة لندن وبينه بين المطاعم والمسارح ثلاث دقائق مشياً.

نحن نختار لكم بعناية فائقة افضل وارخص الفنادق ثق بتجوال فريقنا التقني يعمل ليل نهار لخدمتكم ولتلبية احتياجاتكم

بارك بلازا وستمنستر بريدج لندن

سعر هذا الفندق مميز جدا وهو الاكثر مبيعاً وحجزا في فنادق لندن 

الحجز قابل للالغاء

لا تحتاج ان تدفع مسبقا ادفع في مكان اقامتك اطلع على تقييمات الفندق وبادر احجز الان من هنا

والفندق حسب رغبتك انا في واحد بنزل فيه علي طول هو نظيف جداً اسمه ‏The Park London Paddington لو حابب انت شوف علي موقع بوكينج ولما تروح وحبيت تركب ابعد تماماً عن التاكسي لانه غالييييييي جداً جيب كارت اسمه ouster card واشحنه في اي سوبر ماركت هناك ب ١٠ او ٢٠ باوند وهتركب كل الباصات هناك اللي انتي عوزها ومتنساش تروح Madame Tussauds متحف الشمع جميل جداً

 

اماكن سياحيه في لندن وخارجها

خد معاك صور عشان اول ما توصل تعمل كارت تركب بيه مترو و اتوبيس و بتحدد فيه ١ زون أو ٢ زون أو ٣ زون و ده بعد ما تحدد حتسكن فين

بالنسبة الى افضل اماكن سياحيه في لندن وخارجها الزيارات متحف الشمع – هارودز – ميدان الطرف الأغر – لندن بريدج – ساعه بيج بن – الهايد بارك – اكسفورد ستريت طبعا تاخده مشى من أوله لآخره متعه – حديقه النباتات لو أمكن و متنساش الشمسية فى شنطتك على طول.

اول لما تنزل مطار لندن تروح على محطة المترو اللي في المطار و تشتري كارت المواصلات ب ٣٠ جنيه استرليني هيكفيك اسبوع و بعدين تنزل في فندق جمب محطة المترو ب ما لا يزيد عن ٢٠٠ متر الفنادق في لندن كل الاماكن السياحية جمب المترو تقريبا اول مكان لازم تروحو هو Westminster و ده منه هتركب London eye

رحلة النهر و ساعة بج بن

و تاخد رحلة النهر و ساعة بج بن و تدخل كذا مكان سياحي و كمان تاخد الاوتوبيس اللي هيفرجك على كل لندن و تنزل شارع اكسفورد و بعدين ترجع بالمترو هايد بارك مكان حلو اوي و جامبو قصور و مناطق سياحية الجو بيمطر في لندن طول الوقت و برد جدا بالليل لو ليك في الكوره ممكن تروح نادي الارسنال و تدخل كل الاماكن هناك و غرف اللاعيبه و ممكن تقابل النني كمان في اماكن خارج لندن رائعه هتلاقي تفاصيلها و اعلاناتها على باب الفندق لندن مختلفه عن اي مدينه في العالم

 

افضل وقت للسفر الى لندن

لندن ممكن تقولولي كل المعلومات عنها ايه احسن وقت للسفر الى لندن ؟ ايه الشارع اللي ممكن نسكن فيه و يكون قريب من المواصلات ؟

بيبقي في تذاكر مجمعة مخفضة لأكتر من مكان London eye British museum And madam tosso

Primark for shopping in oxford street ده التوحيد والنور هناك

خدي كروز في التايمز هتوصلك لحد قريه جرينتش و تشوفي المكان اللي بيحددوا فيه التوقيت و بعدين اركبي لندن اي و بعدين الاكواريام و مدام توسو و المتحف البريطاني فيه حجر رشيد و حاجات مصريه كتير اوي و لازم تروحي قصر باككنجهام و تشوفي تغيير الحرس و تروحي هارودز و ده للفرجه بس مش للشراء و الهايد بارك طبعا و كنيسه وست مينستر و كاتدرائية سانبول

اي حاجة بتشتريها من محلات كبيرة بيكون مضاف عليها قيمة ضريبة ال vat بس انتي كزائر لندن مش مقيم المفروض تستردي مبلغ الضريبة من المطار بس لازم بترجعي الاول للمكان اللي اشتريتي منه بالباسبور و اعتقد كمان تذكرة السفر علشان يتأكدوا انك راجعة فعلا و بعدين تاخدي منهم زي إيصال كدة و انتي راجعة في المطار يرجعولك قيمة الضريبة دي كاش يارب أكون قدرت أوضحلك بس ده للمشتريات بس مش المطاعم ولا ال attractions

السكن يفضل في محيط هايد بارك او واكسفورد

السكن يفضل في محيط هايد بارك او واكسفورد استريت عموما شبكة مترو الانفاق هايله وحتي لو بعدتي شوية مفيش مشكله المشتريات في محلات بريمارك وماركس اند سبنسر أوت ليت في منطقه هونسلو قرب مطار هيثرو الاسعار حلوه جدا هناك كمان في سوق بيتعمل كل احد في محطة أولد جيت انصحك بزيارته مليان لقط

 

الاماكن السياحية في ليفربول  

South end on sea قريبه من لندن و احلي من Brighton كتيير

كم تبعد مدينة برايتون عن لندن برايتون بواسطة القطلر من لندن حوالي ساعة وترجعي في نفس الْيَوْمَ

Bicester village, Windsor city – LEGO land, Manchester, try to go to Scotland

 

من لندن الى ليفربول بالقطار او الاتوبيس

انا قاعد في ليفربول بس مانشيستر تعتبر London of the north وممكن تركبي الاوتوبيس ساعة من ليفربول مش محتاج حجز والتذكرة بحوالي 8-9 جنيه استرليني والمحطة اسمها Liverpool L1 Coach Station والباص نوعه National Express

Cambridge shire if you are looking for country side and green area Norwich Peterborough Cambridge city Stamford and Kings Lynn

Shopping go for Bisector village by train about one hour from London

محطة القطار في ليفربول

في ليفربول خدي القطار الداخلي وروحي كل القري الصغيرة زي كل اتجاه Crosby هتشوفي السناجب وملاعب الجولف وكل ما تتخيليهوليفربول نفسها روعه جدا ال city center Liverpool one
Ferry Liverpool

فيه قطار داخلي داخل مدينة ليفربول بييروح كل الريف والمدن اللي تبع ليفربول فقط

Trains from and to different cities are expensive , so better buy it online in advance , as it could be cheaper inside London get a weekly travel card

اماكن سياحيه في برايتون بريطانيا

ممكن تزوروا برايتون دى ع البحر حوالىً ساعه وربع من لندن بس البحر هناك غير عندنا تذكره القطار حوالىً ٨ جنيه استرليني.

برايتون حلوة اوي بس الشط بتاعها زلط كلي سمك عند regency restaurant وانت في ليفربول حاولي تروحي مكان اسمه Lake District حلوة جدا بس عاوزك عربية و بردو من ليفربول روحي مانشيستر هتتبسطي اوي حاولي تدخلي مسرح في لندن

في لندن روح مدينة أوكسفورد ممكن تروحي بالقطار او بالأتوبيس من فيكتوريا مش اكتر من 45 دقيقة بس.

ياريت تروحي نيو كاسيل بلد تحفة على بحر الشمال وريف انجليزي بكر بينها وبين لندن ٣ ساعات بالقطار

لندن بريدج وساعة بيج بن

لندن بريدج وساعة بيج بن،ويستمنستر،بيكاديللى سيركسوهارودز،متحف مدام توسوالشمع،عين لندن،ميدان ترافلجارالطرف الاغر المكتبة البريطانية،الهايدبارك وخاصة يوم الاحد،،قصر باكينجهام متحف التاريخ الطبيعى،ايجوارد رود،ونوبة تغيير حراس الشرف،

Primark Store في نص أكسفورد ستريت فيه كمان محل Ham leys بتاع لعب الأطفال في نفس الشارع روعه وLondon Eye والمكان اللي فيه Marble Arch

احلى سندوتش طعمية من الراجل السكندري الجميل المصري في شارع اوكسفورد اوعى يفوتك

Hyde Park Primark وفي مطعم هندي وهمي في ادجوار رود وفي بيكاديلي ستريت

اشتري big ticket تقدر تدخل بها 5 attractions منهم متحف الشمع و London eye ب خمسين يورو – مش لازم الباص تور لان كده كده الباص الهيئة بتاعهم ممتع قوي

oxford street shops لندن الشوبينج اكسفورد

لندن الشوبينج اكسفورد وده طويل جدا يعني عايز علي آلاقل يومين طبعا ماتنساش HM بفروعه و Primark بفرعيه في نفس الشارع – المواصلات طبعا اشتري Oyster card لمدة ايّام الإقامة كلها – بلاش تاخد فطار في الفندق لانهٌ هايكون كونتيننتال بس – الغداء كله Pizza Hut وقبل الساعه 3 عدا الويك اند ماتنساش قصر الباكينجهزم والحدائق الملكية

اماكن سياحية في لندن للاطفال والعائلة

حد يا جماعة سافر لندن كأسرة، انا سافرتها لوحدي بس معنديش الخبرة اني اسافرها مع أسرتي ويوجد اطفال لو حد سافر يفيدنا الاماكن اللي تتراح as a family لو ترشيح لفندق او شقة zone 1

و في ملاهي بس بعيدة شوية تتراخ بالقطار chessington world park

 

افضل الاماكن السياحية في لندن للاطفال والعائلات

1 London eye
2 Madame Tussude متحف الشمع
3 Hyde park
4 Regents park
5 London Zoo حديقه الحيوان
6 Shopping at Oxford Street
7 Hopon/Hopoff bus for sightseeing
8 River Thames trip to Greenwich
9 Visit Camden area in London

Royal national hotel معقول و سعره ظريف و اهم ميزة فيه ممكن مشى ربع ساعة و تبقى فى Oxford str ال shopping عليكى و على Primark قدام محطة Marble arch غير انى Oxford str فى كل ال Brands ال Map اللى حتخديها من المطار فيها كل ال attractions تقريبا فى كارت للمواصلات اسمه oyster ده بتعمليه فى المطار و هايل

شارع العرب في لندن الاكل الحلال 

الاكل الحلال غالى فى شارع هناك اسمه edgware road ده شارع العرب فى كل حاجة كأنك فى وسط البلد

انصحك ان الجو في شهر اكتوبر مش هيكون برد قارص لكن هاتي معاكي جاكيت تقيل لانك مش متعودة ع برد انجلترا

ثانيا بالنسبة للشوبينج و الاوت ليت ممكت تشتري من Primark ده اسعارة رخيصة جدا لكن من ماركات عالمية و لو عايزة ماركات عالمية بسعر رخيص في اوت ليت اسمه London outlet ده مكانه في منطقة ويمبلي بعيد شوية عن سنتر لندن

وبالنسبة للاكل المحلات العربية منتشرة في جميع انحاء لندن بالنسبة لحجز الفندق تجنبي اي يوم سبت لانه الويك اند في اوروبا فا الاسعار هتكون غالية جدا فاحجزي من يوم الاحد هتلاقي الاسعار ارخص من السبت

الاكل الحلال فى شارع edgware road اكل ممتاز ورخيص اول ماتوصلى فى اى محطه مترو هناك اسمها under ground تعملى كارت oyster بتدفعى 5 استرلينى مستردين بترجعيهم فى اخر الرحله وبعدها بتشحنى المبلغ اللى محتاجاه فى حالتك هيكون ابسعر اليومى 66 يعنى بعد مايتخصم المبلغ ده فى عدد الرحلات مش هتدفعى باقى اليوم مهما استخدمتى وسيله المواصلات

افضل اماكن التسوق Primark فى شارع oxford تنزلى محطه tottenham تلاقيه فى وشك مباشره

ماذا يوجد في الهايد بارك

من اجمل الحاجات اللى ممكن تعملها انك تتمشى الصبح ف Hyde park و تاخد قهوة او شاى لى البحيره و تتنفس هواء كانك معاك أنبوب اوكسجين و بالليل تروح تتمشى فى بيكاديللي و اكسفورد
ممكن تجرب fish & chips ف مطعم اسمه Kennedy’s

تيكيت مجمعه لكذا مكان بأرخص من سعر كل واحده لوحدها من شبابيك جمب المعالم او من الاوتيل اونلاين ارخص و مش بتقف طابور عشان تحجزها زي من الشارع

المعالم اللي ف لندن مش كتير ف هتلاقي منهم تقريبا 3 في التيكت المجمعه زي لندن اي و متحف الشمع مدام توسوه و حاجه كده زي بيت رعب اسمه London’s dungeon و في طبعا ساعة بيج بن و كنيسة Westminster abbey و قصر باكنجهام و العرض طبعا بتاع تبديل حرس الملكة زي ما حد كتب فوق و متنساش بريمارك عشان الشوبنج

حجز تذاكر الاماكن السياحية في لندن 

هتلاقيها اونلاين ان متحف الشمع كان 32 استرليني و لندن اي 15 او 12 لو معاهم حاجه كمان كله يبقي 42 تقريبا الباكدجات دي موجودة علي النت حضرتك ممكن تشوفيها و تحجزي كمان من هنا

أكسفورد للشوبينج وفِي آخره بيكاديللي، هناك حتلاقي محل m&ms ودا مش موجود في العالم غير فرعين في أمريكا وفرع لندن، وراه الحي الصيني لو بتحب الأكل الصيني كله مطاعم تحفة متحف الشمع، هايد بارك، هارودز

وطبعا يبقى حظك حلو لو قدرت تشوف عرض تبديل الحرس من قصر الملكة هو كل أسبوعين بيكون رائع والملكة بتشوفه من القصر وكل الناس في الشارع بيحضروه طبعا Big Ben و London eye
إعمل حسابك إن الفصول الأربعة ممكن تيجي في يوم واحد حتى في الصيف يعني نضارة شمس وشمسية وبلوڤر وشورت

 

أقرأ ايضا 

حجز طيران رخيص جدا تذاكر طيران مخفضة جدا

ترانزيت مطار هيثرو لندن فيزا ترانزيت مطار هيثرو

اسعار تذاكر دخول قصر فرساي كم يبعد قصر فرساي من باريس

ديزني لاند باريس في نوفمبر الشتاء ديسمبر يناير راس السنة

اسعار تذاكر الاماكن السياحية في باريس تذاكر مترو باريس

2 فكرتين بشأن “الاماكن السياحية في لندن واسعارها المواصلات في لندن”

  1. تنبيه Pingback: اماكن سياحية في دبي للعائلات وللشباب مركز التجارة العالمي بدبي - تجوال

  2. تنبيه Pingback: آيسلندا، السياحة والسفر لآيسلندا بلاد العجائب والطبيعة الساحرة - تجوال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *